Музеј Матис (Ница)
Музеј Матис во Ница — музеј посветен на делото на францускиот сликар Анри Матис. Во овој музеј се наоѓа една од најважните светски збирки на неговите дела, што овозможува да се проследи неговото уметничко патување и неговиот развој од неговите почетоци до неговите последни дела. Сместен во Вилата дез Арен, џеновска вила од XVII век во четвртот Симје, музејот бил отворен во 1963 година.
 | |
| Грешка во Lua во package.lua, ред 80: module 'Module:Infobox dim' not found | |
| Основан | 1963 |
|---|---|
| Место | Авенија дез Арен во Симје бр. 164 06000 Ница, Франција |
| Тип | Ликовен музеј |
| Мреж. место | www.musee-matisse-nice.org/ |
Историја
уредиВилата дез Арен, чии градежни работи започнале во 1670 година, била завршена во 1685 година и во тоа време била наречена дворец Губернатис, именувана по нејзиниот сопственик и нарачател, Жан-Батист Губернатис, конзул на Ница. Вилата го добила своето сегашно име во 1950 година, кога Градот Ница, сакајќи да ја зачува, ја откупил од компанија за недвижнини.
Музејот Матис е создаден во 1963 година и првично се наоѓал на првиот кат на вилата, а на приземјето тогаш се наоѓал археолошкиот музеј Ница-Симје. Во 1989 година, последниов бил префрлен во ултрамодерна зграда сместена на самото место на остатоците од древниот римски град Семенелум и музејот Матис тогаш можел да се прошири. Се вршела на огромно реновирање, како и доградба што барало да остане затворен четири години. Музејот повторно бил отворен во 1993 година, со ново модерно крило на располагање, како и реновирани простори, што му овозможило да ја изложи целата постојана збирка, која продолжила да расте од 1963 година преку дарови и оставини.
Збирки
уредиПостојаната збирка на музејот е основана благодарение на различни дарови, прво на самиот Матис, кој живеел и работел во Ница од 1917 до 1954 година, потоа на неговите наследници, како и на дела од „Државата“. Музејот на тој начин обединува 68 слики и гвашови, 236 цртежи, 218 гравури, 57 скулптури и 14 илустрирани книги од Матис на кои се додадени 95 фотографии, 187 предмети кои му припаѓале на сликарот, како и сериграфии, таписерии, витражи и други видови документи.
Ремек-дела
уреди- Фигура со чадор, 1905
- Бура во Ница, 1919-1920
- Малата пијанистка, син фустан, црвена заднина, 1927
- Одалиска во црвена кутија, 1927
- Папет-Тахити, 1935
- Акт во фотелја, зелено растение, 1936
- Нимфа во шумата, 1936-1938
- Читателка на жолтата маса, 1944
- Свртен гол, легнат на грб, околу 1946
- Мртва природа со калинки, 1947
- Креолска танчерка, 1950
- Витраж, студија за Дрвото на животот, 1950
- Син акт IV, 1952 година
- Бранот, 1952 година
- Цвеќиња и плодови, 1952 - 1953