Методија Соколоски
Методија Соколоски (15 мај 1913 - 24 октомври 1984) — македонски историчар и османист.[1]
| Методија Соколоски | ||
| Роден | 15 мај 1913 Прилеп, Македонија | |
|---|---|---|
| Починал | 24 октомври 1984 (возр. 71) Скопје, Македонија | |
| Националност | Македонец | |
| Занимање | историчар, османист | |
Животопис
уредиРоден е на 15 мај 1913 година[2] во Прилеп, за време на Првата балканска војна. Основното образование и VI клас гимназија ги завршил во Скопје, а поради затворањето на вишите класови на Прилепската гимназија, VII и VIII со матура во Битола. Научил турски јазик како дете во родниот град. Студирал на Филозофскиот факултет при Белградскиот универзитет. Поради вклучување во редовите на студентските протести во Прилеп и Белград, уапсен е од југословенските власти, а за време на Втората светска војна од бугарските власти. Во 1943 г. бил отпуштен од државната служба.[1]
Од 1949 до 1951 г. бил предавач на Институтот за општествени науки во Белград. По завршувањето на студиите бил назначен за директор на Институтот за национална историја и на покана од Филозофскиот факултет во Скопје организирал настава по турски јазик и османска палелологија. Во 1959 станал доцент, во 1963 г. вонреден професор, а во 1968 г. станува редовен професор на факултетот. Во 1949 - 1950 г. и 1959 - 1960 г. е директор на Институтот за национална историја. Во 1969/1970- 1970/1971 г. е декан на Филозофскиот факултет при Универзитетот „Св. Кирил и Методиј“.[1][2] Од 1951 година, истражувал во архивот на Претседателството на турската влада во Истанбул, специјализирал во Високата школа на источни јазици во Париз како стипендист на француската влада. Неколку пати престојувал и истражувал во Истанбул и Анкара каде микрофилмувал архивска документација за историјата на Македонија од периодот на осмалиската власт од XV и XVI век, поради што го објавил првиот том на „Турски документи за историјата на македонскиот народ од 1607-1629 година“ во издание на Државниот архив на Македонија во соработка со Ариф Старова, Ванчо Бошков и Фетах Исхак. Вториот том го објавил сам. Се пензионирал во 1978 г.[1]
Награди
уредиТрудови
уредиАвтор е на бројни научни трудови[2][3]:
- 1963: Турски документи за историјата на македонскиот народ, том I
- 1966: Костур и Костурско во средината на XV век
- 1967: Дервенџиството во Охридскиот санџак во втoрата половина од XVI век
- 1967: Спахии - тимариоти христијани во Прилепската нахија во средината на XV век
- 1969: Турски документи за историјата на македонскиот народ, том III
- 1971: Развојниот пат на некои градови во Македонија во XV и XVI век
- 1971: Турски документи за историјата на македонскиот народ, том IV
- 1973: За Јуруците и јуручката организација во Македонија од XV до XVIII век
- 1973: Преспанската нахија во текот на XVI век Архивирано на 28 февруари 2024 г.
- 1973: Турски документи за историјата на македонскиот народ, том II
- 1974: Штип и Штипско во текот на XVI век
- 1975: Жупа во XV и XVI век
- 1976: Нахијата Гора во XVI век
- 1978: Лерин и Леринско во XV и XVI век
- 1979: Малешево во XVI век
- 1980: Петричката нахија во XVI век
- 1981: Кичевската нахија во XV и XVI век
- 1983: Осврт на етничкиот состав на градското и селското население во Македонија во XV и XVI век
Наводи
уреди- ↑ 1,0 1,1 1,2 1,3 1,4 1,5 „д–р Методија Соколоски“. Скопје: Филозофски факултет. Посетено на 24 април 2024.
- ↑ 2,0 2,1 2,2 2,3 „Годишен зборник 2022“. Штип: Филолошки факултет. 2022. Посетено на 24 април 2024.
- ↑ „Соколоски, Методија“. repository.ukim.mk. Посетено на 24 април 2024.