Мелеарди
Мелеарди е населба во крајниот западен дел на градот Гостивар. Населбата Мелеарди се комплексот на згради од фасадна цигла и жолти згради веднаш од левата страна на автопатот Скопје - Охрид. Мелеарди е првата населба од главниот влез на Гостивар кон центарот, во неа се влегува преку надвозникот што од лево врти кон населбата Мирдита и селото Врапчиште, а од десна страна се оди кон центарот минувајќи токму низ Мелеарди. Од центарот на градот е одделена со индустриската пруга за „Силика“ и големата крстосница по која води патот за селата Чегране и Србиново. Во населбата изразит стопански карактер има трговијата, особено преку многубројните салони за мебел.
Население уреди
Според пописните списоци за месната заедница Мелеарди од пописот во 2002 година етничкиот состав на населбата Мелеарди е: 74,11% Македонци, 21,62% Албанци и 4,27% се Турци. Од етничкиот состав на населението оваа населба заедно со гостиварските населби Дутлок , Циглана и Тексас маало-Бараки претставуваат единствените населби во Гостивар со мнозинско македонско население (или пак со застапеност на Македонците со повеќе од 35%).
