Мане Тодороски
Мане Митов Тодороски ( 1922 во Јагол Доленци, Кичевско — 1945 во Славонска Пожега, Хрватска) — македонски партизан, борец за слобода на Македонија и учесник во НОВ.[1]
Животопис уреди
Потекнувал од селско сиромашно семејство. По занимање бил работник. Веднаш по окупацијата на Македонија, се определил за борба против фашистичкиот окупатор. Во борбата за конечното ослободување на Македонија и Југославија, се приклучил во редовите на Првата македонска бригада прво како водич, во есента 1944 година, а подоцна во состав на Петнаесеттиот корпус, со кој заминал на Сремскиот фронт каде загинал во борба со германците кај Славонска Пожега во април 1945 година.[1]