Лук Кенард

Лук Кенард
	;
Лични информации
Роден на	24 јуни 1996 (28 г.)
Роден во	Мидлтон, Охајо
Националност	САД
Висина	1,96 м
Тежина	91 кг
Позиција	Бек шутер
Информации за кариерата
Колеџ	Дјук (2015–2017)
Драфт	2017 / Рунда: 1 / Пик: 12
Избран од:	Детроит Пистонс
Проф. кариера	2017–
Моментален клуб
Клуб	Детроит Пистонс
Број	5
Сениорски клубови
Години:	Клубови:
2017–	Детроит Пистонс

Лук Кенард (роден на 24 јуни 1996 година) е американски кошаркар, бек шутер на Лос Анџелес Клиперс во НБА.

Колеџ кариера

Кенард се запишал на Универзитетот Дјук за да игра колеџ кошарка.^[1]^[2] Како фрешман во Дјук, Кенард имал во просек 11,8 бода, 3,6 скока и 1,5 асистенции по натпревар.^[3]^[4] За време на неговата софоморска година, Лук во просек имал 19,5 бода, 5,1 скока и 2,5 асистенции по натпревар. Тој имал најдобар процент во својот тим во шут за три бода 43.8% и во изведување на слободни фрлања 85.6%. Како софмор, тој исто така бил избран во првиот тим на All-ACC.^[5] По завршувањето на својата софоморска сезона, Кенард објавил дека ќе се откаже од правото во последните две колеџ години да игра кошарка и ќе влезе на НБА драфтот 2017.^[6]

Колеџ статистика

Година	Екипа	ОН	СН	МПН	ПШИ	3П%	СФ%	СкПН	АсПН	УТПН	БлПН	ППН
2015–16	Дјук	36	11	26.7	.421	.320	.889	3.6	1.5	.9	.2	11.8
2016–17	Дјук	37	36	35.5	.489	.438	.856	5.1	2.5	.8	.4	19.5

Професионална кариера

Детроит Пистонс (2017–денес)

На 22 јуни 2017, Кенард бил избран како 12-ти пик во првата рунда од Детроит Пистонс на НБА драфтот 2017.^[7] Тој учествувал на НБА Летната лига во Орландо каде имал просек од 17,2 бода, 4,2 скока и 2,4 асистенции. Своето деби за Детроит Пистонс во НБА го имал на 20 октомври 2017, постигнувајќи 11 бода и 2 асистенции од клупата за резерви во поразот со 115-111 на гостувањето кај Вашингтон Визардс.^[8] На 15 декември 2017, поради повредата на Ејвери Бредли Кенард за првпат бил стартер во еден НБА натпревар во победата со 104-98 на гостувањето кај Индијана Пејсерс забележувајќи 9 бода 5 скокови и 4 асистенции. На 30 декември 2017, Кенард постигнал највисоки во својата НБА кариера 20 бода во победата со 93-79 на домашен терен над Сан Антонио Спарс.^[9] На 9 април тој го изедначил своето најдобро постигнување уфрлувајќи 20 бода во поразот од Торонто Репторс во последниот домашен натпревар на Пистонс за сезоната.