Лепопелци
Лепопелци — село во Општина Чешиново-Облешево, во областа Кочанско Поле, во околината на градот Кочани.
| Лепопелци | |
Воздушен поглед на Лепопелци | |
  Лепопелци Местоположба на Лепопелци во Македонија
Лепопелци на карта
| |
| Координати 41°54′7″N 22°12′39″E / 41.90194°N 22.21083°E | |
| Регион |  Источен
|
| Општина |  Чешиново-Облешево
|
| Област | Кочанско Поле |
| Население | 5 жит. (поп. 2021)[1]
|
| Пошт. бр. | 2333 |
| Повик. бр. | 033 |
| Шифра на КО | 13020 |
| Надм. вис. | 330 м |
|
Лепопелци на општинската карта  Атарот на Лепопелци во рамките на општината | |
 Лепопелци на Ризницата
| |
Географија и местоположба
уреди
Селото се наоѓа во југозападниот дел на Кочанското Поле, а во западниот дел на територијата на Општина Чешиново-Облешево, чиј атар се допира со подрачјето на Општина Пробиштип.[2] Селото е рамничарско, сместено на надморска височина од 330 метри. Од градот Кочани, селото е оддалечено 25 километри.[2]
До селото води асфалтен пат, кој започнува од селото Ново Селани, каде во близина се наоѓа регионалниот пат 2342.
Историја
уредиМестото е населено уште од доцната антика, за што сведочи наоѓалиштето Грамади недалеку од селото.[3]
Стопанство
уредиАтарот на селото е мал и зафаќа простор од 4 километри квадратни. На него преовладува обработливото земјиште на површина од 308 хектари, а на пасиштата отпаѓаат 44 хектари, додека шумско земјиште нема.[2]
Селото, во основа, има полјоделска функција.[2]
Население
уреди
|
| |||||||||||||||||||||||||||||||||
Според статистиката на Васил К’нчов („Македонија, Етнографија и статистика“) од 1900 година, во Лепопелци живееле 140 жители, сите Македонци.[4]
Според егзархискиот секретар Димитар Мишев, („La Macédoine et sa Population Chrétienne“) во 1905 година во Лепопелци имало 120 Македонци, под врховенството на Бугарската егзархија и 30 Власи.[5]
Според германска карта издадена во 1941 година, а заснована на пописот на Кралството Југославија од 1931 година, селото имало 100 други жители (веројатно Македонци) и 25 до 50 Власи.[6]
Селото е мало, во фаза на раселување, па така во 1961 година броело 156 жители, од кои 22 биле Турци, 21 Македонец и 113 жители неопределени. Во 1994 година имало само 18 жители, од кои 17 биле Власи, а 1 жител Македонец.[2]
Според пописот од 2002 година, селото имало 17 жители, од кои 8 Македонци и 9 Власи.[7]
Според последниот попис од 2021 година, во селото живееле 5 жители, сите лица без податоци.[8]
Низ годините ова било вкупното население и етничка припадност на населението во Лепопелци:
| Година | Македонци | Турци | Роми | Власи | Ост. | б.п. | Вкупно |
|---|---|---|---|---|---|---|---|
| 1948 | — | — | — | — | — | — | 135 |
| 1953 | 2 | 3 | 12 | 121 | 0 | 0 | 138 |
| 1961 | 21 | 22 | — | — | 113 | 0 | 156 |
| 1971 | 16 | 18 | 5 | — | 67 | 0 | 88 |
| 1981 | 10 | 0 | 0 | 27 | 0 | 0 | 37 |
| 1991 | 17 | 0 | 0 | 0 | 0 | 0 | 17 |
| 1994 | 1 | 0 | 0 | 17 | 0 | 0 | 18 |
| 2002 | 8 | 0 | 0 | 9 | 0 | 0 | 17 |
| 2021 | 0 | 0 | 0 | 0 | 0 | 5 | 5 |
* Извор: Државен завод за статистика на Република Македонија (1948-2021), според податоци од официјалните пописи во соодветните години
Самоуправа и политика
уредиНа крајот од XIX век, Лепопелци било село во Кочанската Каза на Отоманското Царство.
Селото влегува во рамките на Општина Чешиново-Облешево, која била создадена при новата територијална поделба на Македонија во 2004 година. Во периодот од 1996-2004 година, селото било во рамките на некогашната Општина Чешиново.
Во периодот 1962-1996 година, селото се наоѓало во рамките на големата Општина Кочани. Во периодот од 1955 до 1962 година, селото влегувало во рамките на тогашната општина Облешево.
Во периодот 1952-1955, селото било дел од тогашната Општина Чешиново, во која покрај селото Лепопелци, се наоѓале и селата Врбица, Жиганци, Ново Селани, Соколарци и Чешиново. Селото повторно било дел од некогашната Општина Чешиново во периодот 1950-1952, во која влегувале селата Врбица, Жиганци, Лепопелци, Соколарци и Чешиново.
Избирачко место
уредиСелото е опфатено во избирачкото место бр. 0878 според Државната изборна комисија, сместено во просториите на месната заедница на селото Ново Селани.[9]
На претседателските избори во 2019 година, на ова избирачко место биле запишани вкупно 52 гласачи.[10] На локалните избори во 2021 година, на ова избирачко место биле запишани вкупно 53 гласачи.[11]
Културни и природни знаменитости
уреди- Археолошки наоѓалишта[3]
- Грамади — населба од доцноантичко време.
Поврзано
уредиНаводи
уреди- ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
- ↑ 2,0 2,1 2,2 2,3 2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 176. Посетено на 4 јануари 2025.
- ↑ 3,0 3,1 Грозданов, Цветан; Коцо, Димче; и др. (1996). Археолошка карта на Република Македонија. Т. 2. Скопје: МАНУ. стр. 177. ISBN 9989-649-28-6.
- ↑ Кънчов, Васил. „Македония. Етнография и статистика“. София, 1900, стр. 226.
- ↑ Brancoff, D.M. "La Macedoine et sa Population Chretienne". Paris, 1905, р. 132-133.
- ↑ „200K Volkstumskarte Jugoslawien“.
- ↑ „Попис на Македонија“ (PDF). Завод за статистика на Македонија. 2002. Посетено на 4 јануари 2025.
- ↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
- ↑ „Описи на ИМ“. Архивирано од изворникот на 2023-08-17. Посетено на 6 ноември 2019.
- ↑ „Претседателски избори 2019“. Архивирано од изворникот на 2019-12-29. Посетено на 6 ноември 2019.
- ↑ „Резултати“. Државна изборна комисија. Посетено на 4 јануари 2025.
_1941.jpg){kind=link}