Купа (река)
Купа — десна притока на Сава која оформува природна граница помеѓу северозападна Хрватска и југоисточна Словенија. Реката е долга 297 километри,[3] од кои 118 се на границата помеѓу двете земји, а останатите 179 се наоѓаат во Хрватска.[4]
| Купа / Колпа | |
|---|---|
 Купа во градот Карловац, Хрватска | |
| Местоположба | |
| Физички особености | |
| Извор | |
| • место | Разлоге, Горски Котар, Хрватска |
| • надм. вис. | 313 м[1] |
| Устие | |
• место | Сава, Сисак, Хрватска |
• надморска височина | 130 м[1] |
| Должина | 297 км[2] |
| Големина на сливот | 10.032 км2[2] |
| Проток | |
| • просечен | 283 м3/с |
| Особености на сливот | |
Купа извира во Хрватска од планинскиот регион Горски Котар, кој е сместен североисточно од Риека, во областа на националниот парк Рисњак. Тече неколку километри на исток, каде се од левата страна ја прима реката Чабранка, а потоа ја достига словенечката граница. Потоа тече помеѓу регионот Бела Краина на север и централна Хрватска на југ. Во Купа се влева реката Лахиња од левата страна во селото Примостек, го поминува Врбовско и се одвојува од словенечката граница кога ќе ја помине Метлика.
Потоа стигнува до Карловац каде ги прима теченијата на реките Добра и Корана. Купа продолжува на исток, каде се спојува со Глина од десно и Одра од лево, тече до градот Сисак каде се влева во реката Сава. На реката Купа е хидроцентралата Озаљ конструирана од страна на српскиот научник Никола Тесла во 1908 година. Горниот тек на Купа е незагаден и се користи за рекреативни спортови и риболов, а реката е пловна во должина од четири километри.
НаводиУреди
- ↑ 1,0 1,1 „Reke, dolge nad 25 km, in njihova padavinska območja“. Statistical Office of the Republic of Slovenia. 2002.
- ↑ 2,0 2,1 Острошки, Лилјана, уред. (декември 2015). Статистички годишник на Република Хрватска 2015 (PDF). Државен завод за статистика. стр. 49. ISSN 1333-3305. Посетено на 27 декември 2015.
- ↑ „Main Hydrographic Features in the Sava River Basin“. Sava River Basis Analysis Report (PDF). Zagreb: International Sava River Basin Commission. September 2009. стр. 13.
- ↑ Kolbezen, Marko; Pristov, Janko (1998). Površinski vodotoki in vodna bilanca Slovenije (PDF) (словенечки и англиски). Hidrometeorološki inštitut RS [Hydrometeorological Institute of the Republic of Slovenia]. стр. 8. ISBN 961-6024-04-3.
Надворешни врскиУреди
| „Купа (река)“ на Ризницата ? |
- Слики од изворот на Купа Архивирано 23 мај 2012 г..
- Панорама на изворот Архивирано 16 февруари 2012 г..
- Awarded EDEN - European Destinations of Excellence non traditional tourist destination 2010