Еставана Полман
Еставана Полман е холандска ракометарка, лев бек на Тим Есбјерг и на холандската репрезентација.
 | |||
| Лични податоци | |||
|---|---|---|---|
| Роден(а) |
5 август 1992 Арнем, Холандија | ||
| Националност |
 Холандија | ||
| Спорт |
 Ракомет | ||
| Висина | 1,74 м | ||
| Позиција | лев бек | ||
| Клупски податоци | |||
| Тековен клуб |
 Тим Есбјерг | ||
| Број | 79 | ||
| Младински клубови | |||
| Хандбал Академи | |||
| Сениорски клубови | |||
| 2009-2010 2010-2011 2011-2013 2013- |
 ААК Арнем ВОК Амстердам Сендерјуск Тим Есбјерг | ||
| Репрезентација | |||
| 2010– |
Холандија | 130 (459) | |
Кариера уреди
Клупска кариера уреди
Полман започнала да игра ракомет во екипата на ААК Арнем 1899 во нејзиниот роден град Арнем. Во 2010 година таа му се приклучила на тогашниот холандски шампион ВОК Амстердам, меѓутоа не успеала да му помогне на клубот да ја одбрани титулата од претходната сезона, завршувајќи како втори со бод помалку од шампионот Далфсен. По една сезона, Полман го напуштила ВОК и се преселила во Данска каде го имала своето прво искуство во странство потпишувајќи за екипата на Сендерјуск. Во првата сезона таа му помогнала на својот клуб да избори промоција во данската прва лига. По нејзината втора сезона во Сендерјуске, таа го напуштила клубот и заминала во Есбјерг, каде потпишала за екипата на Тим Есбјерг. Во сезоната 2014-2015, клубот стигнал до финалето на плејофот на данската лига во кое сепак ја загубиле титулата од Мидтјиланд. Сепак, веќе во следната сезона, клубот станал шампион на Данска за првпат во својата историја. Во финалето тие одново се сретнале со Мидтјиланд и му се одмаздиле за поразот од пред година дена. Следната сезона, Полман дебитирала во Лигата на шампионите постигнувајќи 30 гола за својот тим, а Тим Есбјерг го завршил натпреварувањето во главната фаза. Во сезоната 2018-2019, Полман со Тим Есбјерг по вторпат станала шампион на Данска.
Репрезентативна кариера уреди
Своето деби за холандската репрезентација Полман го направила во 2010 година. Со својата репрезентација учествувала на пет светски првенства (2011, 2013, 2015, 2017 и 2019), а најголемиот успех Холанѓанките го имале на првенството во 2015 на кое стигнале до финалето каде загубиле од Норвешка. Таа исто така има учествувано за Холандија и на три европски првенства од каде има еден сребрен медал (во 2016) и еден бронзен медал (во 2018). Во март 2016, на квалификацискиот олимписки турнир одржан во Мец, Франција, Полман и нејзините соиграчки го обезбедиле историското прво учество на Олимписките игри за холандскиот женски ракомет. На турнирот тие го освоиле четвртото место, забележувајќи уште еден пораз од Норвешка во натпреварот за бронзата.
Титули уреди
Клупски уреди
Тим Есбјерг
уреди
- Данско првенство : 2
- 2015-2016, 2018-2019
Репрезентативни уреди
Поединечни уреди
- Ол-стар среден бек на Европското првенство за жени под 19 години: 2011
- Најдобар стрелец на данското првенство: 2013, 2014, 2019
- Ол-стар лев бек на данското првенство: 2019
- МВП на Светско првенство: 2019
- Ол-стар среден бек на Светско првенство: 2019
Надворешни врски уреди
- Еставана Полман на eurohandball
- Еставана Полман на sports-reference Архивирано на 18 април 2020 г.