Горно Езеро
Горното Езеро или Супериор (анг. Lake Superior), кое се граничи со Онтарио и Минесота на север и Висконсин и Мичиген на југ, е најголемо од северноамериканските Големите Езера. Тоа е второ по големина езеро во светот, како и најголемото слатководно езеро по површина во светот.
Бајкалското Езеро во Сибир е подлабоко од Горното Езеро, како и езерото Тангањика. Каспиското Езеро, иако е многу поголемо од Горното Езеро и по површина и по длабочина, е солено; иако тоа е денес изолирано, во минатото било поврзано со Средоземното Море преку Црното Море.
Горното Езеро (48°00’N, 88°00’W) има површина од 82,100 км2,[1] што значи дека е поголемо од Јужна Каролина. Има максимална должина од 563 km и максимална ширина од 257 км.[2] Неговата просечна длабочина е 149 m со максимална длабочина до 406 m.[3] Горното Езеро содржи 12.100 км3 вода.[1] Во ова езеро има доволно вода за да се покрие целата копнена маса на Северна и Јужна Америка, со висина од 30 cm. Бреговата линија на езерото се протега на околу 4385 км (вклучувајќи ги и островите). Надморската висина на езерото е 183 m над морското ниво.
Копното околу езерото е богато со минерали. Најчесто ископувани се бакарот, железото, среброто, златото и никелот. Многу градови се или сегашни или поранешни рударски области, или, пак, преработувачки центри и места за извоз на минералите. Ретко населената околина околу Горното Езеро со нејзините ридести брегови и дивина привлекуваат туристи и авантуристи, правејќи го туризмот голема модерна индустрија.
Горното Езеро е важен воден пат за железна руда и е дел од Водниот пат на Големите Езера.
- ↑ 1,0 1,1 „EPA; Great Lakes; Physical Facts“. web.archive.org. 2010-10-29. Архивирано од изворникот на 2010-10-29. Посетено на 2022-01-31.CS1-одржување: бот: непознат статус на изворната URL (link)
- ↑ „Lake Superior Facts“. law2.umkc.edu. Посетено на 2022-01-31.
- ↑ US Department of Commerce, NOAA. „About Our Great Lakes : Lake by Lake Profiles“. www.glerl.noaa.gov (англиски). Посетено на 2022-01-31.