Душан Чивлачки

Душан Танасков Чивлачки ( 1922 во Побожје, Скопско — 1945 некаде во Војводина, Србија) — македонски партизан, борец за слобода на Македонија и учесник во НОВ.

Животопис

Завршил основно училиште, па се занимавал со земјоделство и чување добиток. Во септември 1944 година стапил во редовите на Шеснаесеттата македонска ударна бригада, учествувајќи во сите нејзини борби против балистите и германците на падините на Скопска Црна Гора. Бил учесник и во акциите за ликвидирање на балистичките банди на Косово. Во составот на Шеснаесеттата македонска ударна бригада учествувал во пробивот на Сремскиот фронт. Во една од тие борби против германците, храбро загинал некаде во Војводина. Бил закопан на самото место на загинувањето, но точно не се знае каде.

Поврзано

• Љубомир Чивлачки