Дасел

Оваа статија се однесува на/за град во Германија. За грофовијата, погл. Грофовија Дасел. За градот во Минесота, погл. Дасел (Минесота).

Дасел (германски: Dassel) — град во округот Нортхајм, во јужниот дел на сојузната покраина Долна Саксонија, Германија.

Дасел
Средновековниот ѕид и фахверк куќите во Дасел Средновековниот ѕид и фахверк куќите во Дасел
Дасел
Управа
Земја	Германија
Покраина	Долна Саксонија
Округ	Нортхајм
Градски единици	17 окрузи
Градоначалник	Герхард Мелхинг (СДП)
Основни податоци
Површина	113,02 км2
Надм. височина	160 м
Население	9.698 (31 декември 2022)
- Густина	86 жит/км2
Други информации
Часовен појас	CET/CEST (UTC+1/+2)
Рег. табл.	NOM
Пошт. бр.	37586
Повик. бр.	05562, 05564
Портал	www.stadt-dassel.de
Местоположба на градот Дасел во рамките на округот Нортхајм
Карта
Координати	51°48′12″N 9°41′25″E

Се наоѓа близу ридовите Золинг.

Географија

Местоположба

Дасел се наоѓа западно од Ајнбек на североисточниот крај на Золинг, јужно од Амтсберге и западно од Елензер Валд. Граничи и со Природниот парк Золинг-Фоглер.

Градски единици

Градот Дасел е составен од 18 градски единици, додека административното седиште е во Дасел.

Амелзен Дасел Дајтерзен Ајлензен Елензен Хилвартсхаузен Хопензен Хунесрик Кримензен

Лауенберг Литхорст Макензен Марколдендорф Портенхаген Релихаузен Зиферсхаузен Велерзен

Историја

Дасел потекнува од 860 година, кога бил споменат во декрет од Царската опатија Корвеј. Во 1022 година, Хајнрих II Свети, во друг декрет се осврнал на црквата во Дасел. До околу 1113 година, Дасел станал седиште на грофовите од Дасел, чие име потекнува од името на населбата. Откако грофовијата престанало да постои во 1310 година, Дасел бил продаден на Зигфрид II од Кверфурт, бискуп на Хилдесхајмската бискупија. Кратко потоа, во 1315 година, му биле доделени градски права, бидејќи околниот регион припаѓал на Кнежевството Брауншвајг-Волфенбител, односно на неговите непријатели. Откога му биле дадени градски права, жителите на Дасел изграден одбранбен бедем. Градската власт била сместена во замокот Хунесрик, на близок рид. Овој замок бил окупиран од војводите на Брауншвајг-Волфенбител како последица на кавга во 1521 година. Војводата Ерих I наредил да се сруши замокот Хунесрик и наместо него да се изгради замокот Ерихсбург. Дасел бил управуван од таму до 1643 година. Како последица на Триесетгодишната војна, Дасел бил споен со Хилдесхајмската бискупија во 1643 година. Сите нови згради биле изградени во Хунесрик, сместен помеѓу уништениот замок Хунесрик и Ерихсбург. Низ вековите, овие настани го спречиле Дасел да има развој и со тоа бил престигнат од соседниот град Ајнбек, кој бил основан подоцна од Дасел. Дополнително, делови од градот биле уништени во пожари во XIX век. Во тоа време, некои од жителите започнале да ткаат или да тргуваат со тоа, додека други се селеле во САД. На почетокот во XX век, Дасел имал 1.462 жители. Околу 1920 година, бројот на жители се искаќил на 1.601 жител. Во текот на Втората светска војна, градот останал неоштетен. Поради тоа, неколку протерани Германци се населиле во Дасел. На 1 март 1974 година, Дасел се споил со неколку други помали општини долж долината на Илме. Новиот град ја покрива областа на историското Грофовија Дасел, кое престанало да постои во 1310 година. На 15 април 2010 година, Дасел имал 11.434 жители, од кои 2.597 живееле во стариот град.

Главни знаменитости

• Црква „Св. Лаврентиј“ (1447) — готска градба со ренесансни елементи;
• Црква „Св. Михаил“ (1847) — класицистичка градба;
• Старото градско собрание на плоштадот (1817);
• Средновековниот бедем;
• Фахверк куќи;
• Поранешните еврејски гробишта;
• Поранешната железничка станица; и
• Музеј на Грофовијата Дасел.

Образование

Гимнацијата во Дасел е именувана по Паул Герхарт. Покрај нејзе, постојат две основни училишта и едно стручно училиште именувано по Рајналд фон Дасел.

Познати луѓе

• Рајналд фон Дасел (1120-1167) — надбискуп;
• Вилхелм Буш (1832-1908) — поет; и
• Хајнрих Дикер (1898-1986) — психолог и градоначалник на Гетинген.

Сообраќај

Дасел е крајна станица на приватна железничка линија од Ајнбек од 1883 година. Нејзината должина е 13,1 километар. ВО 1975 година, линијата била затворена за патнички сообраќај, а во 2003 година и за товарниот сообраќај. Потоа, железничката линија била заменета со автобус. Поранешната железничка станица, која била претворена во станбена зграда е добро зачувана.

Дасел е лесно достапен со автобус од соседните градови Ајнбек и Штатолдендорф.

Галерија

• 
  Црква „Св. Лаврентиј“
• 
  Црква „Св. Михаил“
• 
  Средновековниот бедем
• 
  Поранешната железничка станица
• 
  Старото градско собрание
• 
  Поранешната воденица
• 
  Фахверк куќи
• 
  Еврејските гробишта

Надворешни врски

• Дасел на Ризницата ^?
• Официјална страница Архивирано на 28 април 2009 г. (германски)