Гребенска Река

Гребенска Река (грчки: Γρεβενιώτικος, Γρεβενιώτικο, Γρεβενίτης; Гревениотикос, Гревениотико, Гревенитис) — река во Гребенско, Егејска Македонија и една од најголемите притоки на Бистрица. Тече низ градот Гребен, по кој е наречена.

Гребенска Река Γρεβενιώτικος
Местоположба
Земји	Грција
Крај	Гребенско, Егејска Македонија
Физички особености
Извор
• место	Пинд кај Вравоништа
• координати	40.0837° СГШ; 21.2886° ИГД / 40.0837; 21.2886
Устие
• место	Бистрица кај Гостун
• координати	40.1100° СГШ; 21.5113° ИГД / 40.1100; 21.5113
Должина	25 км
Особености на сливот

Опис

Реката извира западно од градот Гребен, недалеку од селото Вравоништа на планината Пинд. Тече од запад кон исток, минувајќи меѓу селата Вилија и Хисар, каде се наоѓа камениот Хисарски мост. Потоа прави живописни свиоци околу ридовите, па навлегува во Гребен. На југ од градот ја прима Доксанитис, која е неговата најголема притока и доаѓа од запад-југозапад и подрачјето на Мавран и Бура. По овој спој, Гребенска Река продолжува на исток и по 9 км се влева во Бистрица западно од Гостун. Вкупната должина на Гребенска Река изнесува 25 км, а таа на Доксанитис е 11 км.

Во горното течение, на грчки реката се нарекува Мегало Рема, Потамија и Валтос.

Поврзано

• Пинд
• Хисарски мост