Глазне
Глазне — река во Разлошко (општините Банско и Мехомија), Пиринска Македонија, десна притока на реката Исток од сливот на Места. Долга е 11 км (24,6 км заедно со десната составница Демјаница).[1]
| Глазне | |
|---|---|
 Реката Глазне | |
| Местоположба | |
| Место | Банско, Пиринска Македонија |
| Физички особености | |
| Извор | |
| • место | р. Бандерица и р. Демјаница |
| • координати | 41°49′02″N 23°28′14″E / 41.8172° СГШ; 23.4706° ИГД |
| • надм. вис. | 1.063 м |
| Устие | |
• место | р. Исток, 1,2 км СИ од с. Бања, Општина Мехомија |
• координати | 41°53′42″N 23°32′25″E / 41.895° СГШ; 23.5403° ИГД |
• надм. вис. | 771 м |
| Должина | 11 км |
| Големина на сливот | 119 км2 |
| Проток | |
| • просечен | 2,03 м3/с |
| Особености на сливот | |
| Течение | Исток → Места → Егејско Море |
Реката се образува со слевањето на нејзините составници Бандерица (13 км, лева) и Демјаница (13,6 км, десна) на надморска височина од 1.063 м.н.в, до најјужните населби на градот Банско. За нејзин почеток се смета реката Демјаница, која извира од Големото Езеро (на 2.280 м.н.в.), најголемото од Валавичките Езера на Пирин. Демјаница тече право на север во мошне валова долина, со стрмни страни и силно пошумена. Откако ќе се соедини со Бандерица од лево, новообразуваната река Глазне тече низ западниот дел на градот Банско и ја пресекува Разлошката Котлина во правец југ-север. Западно од с. Бања реката свртува на североисток и завршува како десна притока на р. Исток (десна притока на Места), 1,2 км североисточно од с. Бања.
Сливот на реката зафаќа 119 км2, што претставува 3,89 % од вкупниот слив на Места. Главни притоки се Мала Глазне и Конушица, обете десни.
Глазне има релативно нерамномерен водостој: средниот годишен истек кај с. Бања е 2,03 м3/с, најполноводна е во мај и јуни, а најслабоводна во септември. При јунското топење на снеговите знае да надмине 30 м3/с. И покрај тоа, Глазне ретко се прелева и не предизвикува поплави, бидејќи бреговите се добро утврдени во Разлошката Котлина. Поголеми поплави се случиле во 1957 и през 2007 г. Средниот наклон на течението изнесува 62 ‰.
Единственото населено место по течението е градот Банско.
В долното течение, во Разлошката Котлина водите се користат за наводнување.
Поврзано уреди
Наводи уреди
- ↑ Мичев, Николай и др. (1980). Географски речник на България. София: Наука и изкуство. стр. 137.
Надворешни врски уреди
- Река Глазне – Пирин — акварел на Константин Штркелов