Витославлици

Етно село Витославлици (Музей народного деревянного зодчества «Витославлицы») претставува комплекс на музеи на отворено во форма на етно село посветен на традиционалната дрвена архитектура на Новоградската земја. Се наоѓа неколку километри јужно од градот Голем Новгород, недалеку од Јурјев манастир на реката Волхов, на подрачјето на Новгородската област, на североисток на европскиот дел на Русија

Одлики

Етното село Витославлици се наоѓа на листа за културно наследство на Руската Федерациј под бројот 5310015000.^[1]

Рускиот и советскиот архитект и реставратор Леонид Красноречев на 5 јуни а 1964 година започнал да работи на основањето на музеј на отворено, кој требаше да претстави уникатен архитектонски стил заснован на дрво како најважен материјал во Новгород. Во рамките на музејот има бројни градби кои најдобро ја отсликуваат руската архитектура од 16 век до XIX век. Министерството за култура на Руска Советска Федеративна Социјалистичка Република на 31 јануари во 1965 година ја усвои писмена препорака за основање на музеј како место од исклучително културно и историско значење. Музејот официјално започнал со работа на 16 мај а 1967 година.

Сите градби кои се наоѓаат во рамките на комплексот се оригинални објекти што биле пренесени на музејскиот локалитет од различни делови на земјата Новгород. Првиот објект во етното селото е црквата Успение на Богородица која е пренесена од селото Курицко, a датира уште од 1595 година. Набргу потоа, беше пренесена првата визба од селото Рижево, еден вид на дрвени куќи за престојување, карактеристични за просторите на Источна Европа. Селото е познато и по бројни фолклорни приредби кои ги оживуваат старите народни обичаи.

Етното село го управува Новгородскиот државен музеј.

Самото име на комплексот потекнува од истоименото село, кое постоело на тоа место од 12 век - 18. век. Познато е дека грофицата Ана Орлова од Чесмен живеела на местото на поранешното село во текот на првата половина на XIX век и со нејзините прилози значително финансиски му помогнала на Јурјевиот манастир.

Музејски комплекс

Капела од XVIII век од селото Кашир во Маловишерскиот реон
Визба
Визба на Марија Јекимова од селото Ришево Новгородски реон
Малогоспојинска црква од 1539 година од селото Передки Боровички реон
Клетска црква Света Тројица (1672-1676) од Рјокоњска испосница во Љубитински реон
Никољска црква од 1757 година од селото Високиј Остров Окуловски реон
Успенска црква од 1595 година од селото на Курицко Новгородски реон
Ветреница од почетокот на XX век од селото Ладошчина Сољчански рејон
Типична визба од XIX век
Капела на Марија Магдалена од селото Малишево
Мапата на етното село
Штала за коњи од селото Окладњево