Благица Дафовска

Благица Николовска Дафовска (Бабино, Демирхисарско, 24 јули 1946) — македонски поет и раскажувач.

Благица Николовска Дафовска
Родена	24 јули 1946 Бабино, Демирхисарско, СФР Југославија
Занимање	поет и раскажувач

Животопис

Дафовска е родена во село Бабино, Демирхисарско на 24 јули 1946 година. Од 1952 до 1970 година живее во Битола каде завршува средно образование во гимназјата „Браќа Миладиновци”, а потоа дипломира на Педагошката академија, група македонски и српско - хрватски јазик и југословенска литература. По завршувањето на студиите извесно време работи како наставник во селата Цапари, Ѓавато и Рамна. Во 1970 година се иселува во Канада, каде формира семејство и мајка е на три деца. Од 1975 до денес работи како наставник по македонски јазик во училиштето за дополнителна настава при МПЦО „Св. Климент Охридски" во Торонто. Дафовска е многу активен член во културниот и општествениот живот во Торонто. Нејзини песни се објавувани на страниците на весниците „Наше новине“, „Духовна искра“, „Македонски збор", „Македонија". и други. Била водител на многу културни манифестации во Торонто. Таа е прв претседател на литературното друштво „Браќа Миладиновци во Торонто. Добитник е на многубројни награди и признанија меѓу кои и од „Обединети Македонци“ од Торонто.