Бастија

Бастија (француски: Bastia) — општина во департманот Корзика во Франција во североисточниот дел на островот Корзика. Тој е вториот најголем град во Корзика зад Ајачо и административно седиште на поранешниот департман Горна Корзика.

Бастија Bastia
Поглед на катедралата Св. Јован од пристаништето
Грб
Бастија
Местоположба во регионот Корзика [[file:|160px|Бастија во рамките на ]] Бастија
Координати: 42°42′03″N 9°27′01″E
Земја	Франција
Регион	Корзика
Департман	Горна Корзика
Округ	Бастија
Општ. заедница	Бастија
Управа
• Градоначалник (2008–2014)	Емил Ѕукарели
Површина1	19,38 км2 (748 ми2)
Население (2008)2	43.477
• Густина	22/км2 (58/ми2)
INSEE/Пошт. бр.	2B033 / 20200
Надм. висина	0 м (прос. 30 м)
1 Катастарски податоци, каде не се вбројани езера, бари и ледници > 1 км2 и речни устија. 2 Единечно пребројување: жителите на повеќе општини (на пр. студенти и воени лица) се бројат само еднаш.

Бастија е главно пристаниште на островот и негов главен комерцијален град, особено познат по неговите вина. Околу 10% од неговото население се имигранти. Стапката на невработеност во општината постојано е една од највисоките во Франција.

Географија

Сместен во североисточниот дел на Корзика на основата на полустровот Кап Корс, помеѓу морето и планините, Бастија е главно пристаниште на островот. Градот се наоѓа 35 километри од северниот ’рт на полуостровот, 50 километри западно од Елба, италијански остров, и 90 километри од копното на Италија, кое може да се види неколку дена во годината, кога видливоста е извонредна.

Градот Бастија гледан од „Пињо“

Географски, Бастија е одреден во својата местоположба помеѓу морето и планините. Градот е сместен на источната страна на „Сера ди Пињу“, планина висока 960 метри. Оваа стрмна планина и неколку ридови во градот го обликуваат релјефот, кој е карактеристичен за Корзика. Овој пејзаж предизвикал градот главно да се развива во крајбрежниот појас, кој е широк еден и пол километар, што е многу ограничен дел од вкупната површина на општината.

Поради својата местоположба, Бастија поседува пристаниште и морето имала значајна улога во просторната организација на градот. Денес, Бастија поседува три различни пристаништа. Старото пристаниште („Vieux Port“ на француски и „Porto Vecchio“ на корзикански), сместено во тесен залив, нуди добра природна заштита против временските услови на Средоземното Море. Така, тоа било јадрото на првичниот развој на градот. Денес, многу рекреативни и рибарски бродови се сместени тука, но ја нема онаа економска важност како другите современи пристаништа, иако неговиот туристички и естетски шарм го прави официјален амблем на градот. Всушност, многу кафулиња, барови и ресторани се преселиле на неговите докови, до кои може да се дојде само пешки во текот на летните настани.

Малку понасевер се наоѓа комерцијалното и фериботското пристаниште. Како главна економска дејност на градот, комерцијалното пристаниште е пулсот на градот. Тоа особено е видливо во текот на летото, кога пристигнуваат и заминуваат фериботи и илјадници патници и автомобили може да предизвикаат долги сообраќајни метежи. Пред комерцијалното пристаниште, големиот плоштад Св. Никола го претставува срцето на градот. Северно од комерцијалното пристаниште се наоѓа марината Тога, именувана по населба во градот, пристаниште за рекреативни бродови. На неговите докови се наоѓаат барови, ресторани и ноќни клубови.

Така, Бастија е логички поставена на оската север-југ, која предизвикува проблеми за пристап до центарот на градот при одредени околности. Денес, центарот на градот е главно составен од цитаделата, упориште наречено Тера-Нова, со гувернерската палата на Џенова, старото пристаниште и неговиот популарен кварт и плоштадот и бројни градби долж булеварот Паоли, главна трговска улица во градот, која се протега од судот до авенијата Марешал Себастијани.

Во текот на последните неколку декади, Бастија и неговата област доживеале силен демографски раст.

Клима

Бастија има средоземна клима. Просечната годишна температура е 15,5 °C и има околу пет дена мраз во годината. Ветерот е постојан и опасен, додека врнежите се обилни, но самиот град просечно годишно има над 240 сончеви дена.

Клима на Бастија
Показател	Јан	Фев	Мар	Апр	Мај	Јун	Јул	Авг	Сеп	Окт	Ное	Дек	Годишно
Просечна максимална (°C)	13,6	13,8	15,6	17,8	22,0	25,8	29,1	29,3	25,8	21,9	17,4	14,5	20,5
Просечна температура (°C)	9,1	9,4	10,8	12,9	16,3	20,0	23,2	23,3	20,6	17,1	12,9	10,1	15,5
Просечна минимална (°C)	5,1	4,9	6,7	8,8	12,4	16,0	19,0	19,4	16,5	13,3	9,2	6,3	11,5
Просечно кол. врнежи (мм)	67	57	60	76	50	41	13	21	81	127	114	93	800
Сончеви часови (месечно)	134	158	192	214	268	296	345	304	232	176	133	128	2,580

Историја

Цитаделата изградена од Џенова

Пред окупацијата на Корзика од Џенова, Кардо бил голем град. Околу градот имало мали села, каде живееле рибарите на Кардо. Ова мало пристаниште било наречено Порто Кардо (Porto Cardo), што значело пристаниште на Кардо.

Џенова почувствувале потреба за засолниште од морските бури и во 1380 почнале да ја градат цитаделата под водство на гувернерот Леонело Ломелини. Со времето „бастилја“ (bastiglia; италијански за цитадела) станувала посперитентна и поважна од Кардо. Бастија била главен град на Корзика до 1791.

Во 1794, во текот на војната со револуционерна Франција, британските трупи под водство на адмиралот Нелсон на кратко ја освоиле Бастија.

Знаменитости

• Музеј на Корзика
• Поранешната палата на гувернерите на Џенова, во која сега се наоѓа Музејот за корзиканска етнографија.
• Тврдината

Сообраќај

Население во минатото

Година	Нас.	±%
1800	11.336	—
1806	7.922	−30.1%
1821	9.316	+17.6%
1831	9.531	+2.3%
1836	13.610	+42.8%
1841	14.568	+7.0%
1846	15.004	+3.0%
1851	15.984	+6.5%
1856	16.002	+0.1%
1861	19.304	+20.6%
1866	21.535	+11.6%
1872	17.850	−17.1%
1876	17.572	−1.6%
1881	20.100	+14.4%
1886	20.765	+3.3%
1891	23.397	+12.7%
1896	22.552	−3.6%
1901	25.425	+12.7%
1906	27.338	+7.5%
1911	29.412	+7.6%
1921	33.094	+12.5%
1926	36.376	+9.9%
1931	44.628	+22.7%
1936	52.208	+17.0%
1946	49.327	−5.5%
1954	42.729	−13.4%
1962	31.375	−26.6%
1968	38.746	+23.5%
1975	42.810	+10.5%
1982	44.020	+2.8%
1990	37.845	−14.0%
1999	37.884	+0.1%
2008	43.477	+14.8%

Патен

Главен пат до Бастија е РН 193.

Железнички

Железничката станица Бастија, која припаѓа на Корзиканските Железници, се наоѓа во центарот на градот и ја поврзува Бастија со Ајачо и Калви.

Морски

Во поглед на патниците, Бастија е прво француско пристаниште на Средоземното Море со повеќе од 2,4 милиони патници во 2007. Тоа е второ француско пристаниште зад Кале (15 мил. патници).

Воздушен

Аеродромот Бастија-Порета се наоѓа 16 километри јужно од градот, во градот Лучана.

Луѓе

• Винсент де Моро Џафери (1878–1956), адвокат
• Сезар Кампинши (1882–1941), адвокат и француски политичар
• Сезар Веѕани (1888–1951), оперски пејач
• Жозе Лучони (1903–1978), оперски пејач
• Џон Бернард (1893–1983), американски политичар
• Анџело Риналдо (р. 1940), писател и член на Француската академија
• Ив Симонпаоли (р. 1928), сликар
• Анри Падовани (р. 1952), прв гитарист на The Police
• Адил Рами, фудбалер
• Баптист Џабикони (р. 1989), машки модел и пејач

Збратимени градови

• Ердинг, Германија
• Вијареџо, Италија

Наводи

• INSEE

Надворешни врски

• Официјална страница (француски)
• Фан-страница за Бастија (француски)
• Неофицијален водич на аеродромот Бастија