Балевец

Баловец (наречено и Баловец, Балавце, Балавча или Балавџа; грч. Κολχικό, Колхико) — село во подрачјето на Лагадина, Егејска Македонија (денес Грција). Населението брои 1.959 жители (2001).

Балевец Κολχικό
Балевец
Координати: 40°45.22′N 23°7.53′E
Земја	Грција
Област	Централна Македонија
Општина	Лагадина
Надм. вис.	&10000000000000160000000160 м
Население (2001)
• Вкупно	1,959
Часовен појас	EET (UTC+2)
• Лете (ЛСВ)	EEST (UTC+3)

Географија и местоположба

Балевец е село на околу 7 км источно од градот Лагадина и на надморска височина од 130 м . До 1924 г. селото било населено исклучиво со Македонци.

Стопанство

Балевец традиционално се смета за прилично богато село, произведувајќи големи количества тутун, памук, детелина, градинарски култури и овошје. Добиточниот фонд се состоел од 4.500 овци и 1.000 глави крупен добиток.

Демографија

Сè до 1924 г, Балевец било сосем македонско село. Како такво Васил К’нчов го споменува со 360, а Бранков со 588 жители, додека во пописот од 1913 г. се води со 1.000, а во 1920 г. со 749 жители. По 1922 г. во селото се населил извесен број на грчки (понтски) доселенички семејства од Мала Азија, но и понатаму продолжил да преовладува македонскиот елемент. Заедно со доселениците, во 1928 г. селото се води со 846, во 1940 г. со 1.268, во 1951 г. со 1.655, во 1961 со 1.676, а во 1971 г. со 1.400 жители.

Денес селото има 1.959 жители. Според Тодор Симовски, денес потомците на староседелските Македонци се побројни од потомците на грчките доселеници.

Културни и природни знаменитости

• Црква „Св. Петка“ од 1834 г., прогласена за споменик на културата

Поврзано

• Список на села во Лагадина