Андон Младеновски
Андон Богатинов Младеновски (15 мај 1912 во Трновац, Кратовско — 21 април 1945 во Хрватска) — македонски партизан, борец за слобода на Македонија и учесник во НОВ.[1]
| Андон Младеновски | ||
| ||
| Роден | 15 мај, 1912 година Трновац, Косовски Вилает, Османлиска Империја | |
|---|---|---|
| Починал | 21 април, 1945 година Сремски фронт | |
| Народност | Македонец | |
Животопис
уредиПо занимање бил занаетчија-налбатин. Неговиот живот бил со многу тешкотии и искушенија. Одржувал врска со народноослободителната војска на Македонија, а неговата активност не останала незабележана од окупаторските власти. Бугарската окупаторска полиција, во април 1943 година го интернирала во Елхово-Бугарија, што кај него придонело уште повеќе да се зголеми омразата кон окупаторот. По неговото враќање од интернација, останал четири месеци дома под надгледување на окупаторските власти и нивните помагачи. Во август 1944 година му пристапил на Кратовскиот партизански одред (формиран на 4 август 1944 година на кумановски терен). Подоцна се борел во составот на Седумнаесеттатa македонска бригада, каде бил пример на решителност и лична храброст. Земал учество во сите борби за ослободување на Македонија и Гнилане, подоцна ѝ на Сремскиот фронт каде на 21 април 1945 година загинал.[1]