Анастасија (музичка група)

(Пренасочено од Анастасија)

Анастасија — македонска музичка група. Анастасија е една од најуспешните музички групи во Македонија. Нивната музика претставува оригинален микс од византиски звуци, православна црковна музика и етно ритми. Тие користеле повеќе акустични инструменти, како: кавал, гајда, тапан, но и компјутери, семплери и синтисајзери.

Анастасија
Познат(а) и какоАпокрифна реалност, Апореа
ПотеклоМакедонија
Жанровиелектронска; Дарквејв; прогресивен фолк
Период на активност1987–2002
Членови
Горан Трајкоски

Златко Ориѓански

Зоран Спасовски

ИсторијаУреди

Групата „Анастасија“ била основана во 1990 година од страна на Горан Трајкоски (поранешен член на Сарацени, Падот на Византија, Мизар и Апореа), Златко Ориѓански (поранешен член на „Лола В. Стаин“) и Зоран Спасовски (поранешен член на „Мизар“ и „Апореа“).

Музиката на Анастасија претстаува спој на византиското минато, низ православната црковна музика, со големи примеси на етно ритам. Тие користеле акустични инструменти, како: кавал, гајда, тапан, но и модерна технологија, компјутери, семплови, синтисајзери и итн.

Анастасија направиле музички творби за театарски перформанси, филмови и ТВ програми.

Музиката за филмот „Пред Дождот“ била објавена од „Полиграм Рекордс“ и била распродадена во илјадници примероци низ целиот свет. Во 1996 година, „Анастасија“ ја направиле музиката за театарскиот перформанс „Баханалија“ кој се прикажувал низ цела Европа. Во 1997 година го издале синглот „Лице“, по кој следувал и синглот „Гори“, а потоа и албумот „Мелургија“ кој претставува компилација на необјавените песни на групата. Потоа следувал албумот „Ноктурнал“, снимен во скопското студио „Тра Ла Ла“ а миксуван во атинското студио, со Коти К.

ЧленовиУреди

АлбумиУреди

НаводиУреди

  1. Македонски документ / Macedonian Document step 1. ТРОТ, CD 001, 1994.

ИзворУреди