Алтена (замок)

 

Воздушен поглед на замокот Алтена од исток, 2023 година.

Надворешен поглед на замокот Алтена, 2005 година.

Алтена (германски: Burg Altena) ― средновековен ридски замок во гратчето Алтена во Северна Рајна-Вестфалија. Замокот бил изграден на ридот Клузенберг. Тој се наоѓал во близина на Лене во Марковскиот Округ.

Замокот Алтена бил подигнат од раните грофови на Берг на почетокот на 12 век. На крајот, Берговците го напуштиле замокот Алтена и го преселиле нивното престојувалиште во Хам.

Историја

Наводно, замокот бил изграден од браќата Адолф и Еверхард фон Берг околу 1108 година, откако Хенри V им доделил земјиште во Зауерланд како заслуга за нивната верност. Браќата Адолф и Еверхард го изградиле својот замок на планината Вулфсек и го нарекле Вулфешаген, а подоцна Алтена. Ова била една од повеќето легенди за основањето на округот Алтена и изградбата на замокот.

Замокот Алтена во 2008 година.

Замокот и реката Лене со гратчето Алтена, 2005 година.

По стекнувањето на парохиската земја на Марк во близина на градот Хам во 1198 година, грофовите на Алтена го присвоиле замокот Марк како нивно главно престојувалиште и се нарекле грофови на Марк. Тие продолжиле само повремено да го населуваат замокот Алтена и од 1392 година наваму тој бил користен само како престојувалиште на окружниот судски извршител (амтман). Грофот Енгелберт III Маркски на малата населба која се наоѓала во подножјето на планината и дал права на слобода (самоуправување). Во 1455 година замокот изгорел и бил повторно подигнат, но делумно.

Во Бранденбушко-пруско време, замокот станал гарнизон и бил продаден на гратчето Алтена во 1771 година. Во следните години таму бил основан дом на сиромави и работници. Ова постоело до 1840 година. Од 1766 до 1811 година во замокот постоел кривичен суд и затвор. До 1834 година замокот бил значително влошен и требало да биде преизграден. Поради недостиг на средства, сепак тоа не било спроведено. Ред на Свети Јован поставил болница во зградите.

Поради 300-годишнината од членството на Грофовијата Марк во Бранденбург-Прусија во 1909 година започнале плановите за преизградба на замокот. Во 1914 година преизградбата завршила, освен надворешниот дел и долната капија. Имало контроверзна дебата за начините на преизградба, а на дебатите била критикувана предноста на историските дизајни над средновековната и раната модерна архитектура. Во 1918 година биле завршени и последните работи.

Во 1914 година, Ричард Ширман го основал првиот младински хостел во светот во рамките на замокот, кој сè уште бил користен (Jugendherberge Burg Altena). Првичните простории денес служат како музеј. Младинскиот хостел продолжил да работи на местото на дворот на долниот двор на дворецот, кој бил отворен во 1934 година.

Денес замокот е симбол на гратчето Алтена и туристичка знаменитост. Влезниот билет важи и за блискиот Германски музеј на жици (Deutsche Drahtmuseum). Во текот на првиот викенд од август во замокот и градот е одржуван годишен средновековен фестивал. Дел од замокот е користен како ресторан.

Поврзано

• Зауерланд
• Список на замоци во Северна Рајна-Вестфалија

Книжевност

• Фердинанд Шмит: Burg Altena - Blätter der Erinnerung für Freunde und Besucher unserer Burg, Märkischen Burgverein, 1924 година
• Wilhelm Quincke: Führer durch die Burg Altena, 1968 година
• Ернст Досман: Auf den Spuren der Grafen von der Mark . 3. Auflage. Mönning, Iserlohn 1992,ISBN 3-922885-14-4, стр. 164-168.

Надворешни врски

• Службено мрежно место (на германски)
• Слики од замокот Алтена од архивата на LWL Архивирано на 27 октомври 2020 г.
• Музејски водич на замокот Алтена
• Водич за Германскиот музеј за жици

51°17′56″N 07°40′31″E