Авантура, авантуристички жанр или авантиристички роман, е фикција (измислен расказ/ приказна) која најчесто вклучува патешествија или настани кои се испреплетени со опасност, или пак му создаваат на читателот чувство на возбуда.

Книжевност
Основни облици

Роман · Поема · Драма
Расказ · Новела

Родови

Епика · Лирика · Драма
Романса · Сатира
Трагедија · Комедија
Трагикомедија

Извори

Изведба (претстава· Книга

Форми

Проза · Стих

Историја и списоци

Општ преглед на книжевноста
Индекс на поими
Историја · Современа историја
Книги · Писатели
Книжевни награди · Награди за поезија

Дискусија

Критика · Теорија · Списанија

Пат околу светот за 80 дена - Жил Верн - 1873.

Историја уреди

Во воведот на „Енциклопедија на авантуристичката фикција“, Дон Дамаса го дефинира жанрот како:

Авантура е настан или серија настани кои се случуваат надвор од обичниот тек на животот на протагонистот, најчесто придружен со опасност, често со физичка акција. Авантуристичкиѕе приказни скоро секогаш се движат брзо, и брзината на дејството е подеднакво важно како карактеризацијата, местото и времето и другите елементи на делото.[1]


Дамаса дополнително тврди дека авантуристичките приказни го ставаат во фокус елементот на опасност. Така, тој илустрира дека романот „Приказна за два града“ на Дикенс е авантуристички бидејќи вклучува опасност во која е вклучен главниот лик, а додека пак романот „Големите исчекувања“ од истиот автор не е авантуристички бидејќи опасноста во која Пип се наоѓа е само инструмент за да се развие приказната.[1]

Авантурата е честа тема во книжевноста уште од раните денови на пишаната фикција. Така, делумно раните романтичарски дела биле авантуристички.

Историјата и настаните ја одржала авантурата како жанр во живот. Од средината на 19 век па навака, кога започнала масовната писменост и книжевност, авантурата станата популарен жанр. Иако не била искористена максимално, авантурата забележала примени во минатото. Така од приказни поврзани со витези и митски суштества, денес вклучува и разузнавачки и технолошки елементи.

Авантурата често се совпаѓа и со другите книжевни жанрови, како на пример воени романи, криминалистички романи, морепловски романи, разузнавачки романи, научна фантастика и фантазија (пример се делата на Џ. Р. Р. Толкин)[2] Сепак, не сите вакви романи се авантури.

Поврзано уреди

Наводи уреди

  1. 1,0 1,1 D'Ammassa, Don. Encyclopedia of Adventure Fiction. Facts on File Library of World Literature, Infobase Publishing, 2009 (pp. vii–viii).
  2. Pringle, David. The Ultimate Encyclopedia of Fantasy. London, Carlton pp. 33–5

Надворешни врски уреди