Јозеф Лада
Јозеф Лада (чешки: Josef Lada, 17 декември 1887, Хрушице, Австроунгарија - 14 декември 1957, Прага, Чехословачка) - чешки сликар и писател.
Животопис
уредиЛада е роден во малото село Хрушице, во близината на Прага, каде се преселил на возраст од 14 години, работејќи како чирак-книговезец. Лада починал во Прага, а бил погребан на гробиштата Олшани.[1]
Во чест на Јозеф Лада, еден астероид е наречен „17625 Јозефлада“.[2]
Творештво
уреди
За време на своето долгогодишно творештво, Лада создал околу 10.000 цртежи и илустрирал околу 50 книги. Тој е најпознат со илустрациите на делата на Јарослав Хашек. Притоа, неговата претстава на војникот Швејк е позната ширум светот, а речиси сите преводи на познатиот роман на Хашек ги содржат цртежите на Лада.[1] Лада нацртал речиси 600 цртежи на ликовите од романот за добриот војник Швејк.[3]
Покрај тоа што се занимавал со сликарството, Лада напишал и голем број книги за деца,[1] од кои најпозната е онаа во која се опишани авантурите на малиот црн мачор Микеш.
Лада бил самоук, но успеал да создаде сопствен стил. Тој сликал пејзажи, фрески, а дизајнирал и костуми за драми и за филмови.
Галерија
уреди-
Родното место на Јозеф Лада -
Музејот на Лада во Хрушице -
Цртеж на Лада во книгата „Доживувањата на добриот војник Швејк“
Наводи
уреди- ↑ 1,0 1,1 1,2 „Jozef Lada“, во: Jaroslav Hašek, Doživljaji dobrog vojnika Švejka u Prvom svetskom ratu. Beograd: Mandala, 2016, стр. 606.
- ↑ Schmadel, Lutz (2003). Dictionary of Minor Planet Names, volume 1. Springer. стр. 847. ISBN 9783540002383. Посетено на 12 August 2012.
- ↑ Hašek, Jaroslav; Lada, Josef, 1887–1957; Parrott, Cecil Sir, 1909–1984 (1973), The good soldier Svejk and his fortunes in the World War, Heinemann : in association with Penguin, ISBN 978-0-434-31375-4CS1-одржување: повеќе имиња: список на автори (link)