Almost Honest

Almost Honest е вториот сингл на Мегадет од нивниот студиски албум Cryptic Writings. Издаден бил во септември 1997 година, а освен на албумот може да се најде и на компилациите Capitol Punishment: The Megadeth Years и Warchest, но не и на Greatest Hits: Back to the Start и Anthology: Set the World Afire. Песната се пласирала на 8. место на Билборд табелата за рок нумери.

„Almost Honest“
Сингл од Мегадет
од албумот Cryptic Writings
Издаден	септември 1998
Формат	ЦД сингл, дигитално спуштање
Снимен	1996
Жанр	Хеви метал
Должина	4:09
Издавачка куќа	Капитол
Композитор	Дејв Мастејн Марти Фридмен
Продуцент	Дејв Мастејн
Хронологија на синглови на Мегадет
„Trust“ (1997) „Almost Honest“ (1997) „Use the Man“ (1998)

„Almost Honest“ има слична тематика со „Trust“, но со многу пооптимистички тон. Се работи за поединец кој љубовната врска не ја сфаќа премногу сериозно, но дури по раскинувањето дознава дека навистина сакал. Песната била често изведувана за време на промотивната турнеја за албумот The World Needs a Hero (2001), но оттогаш не била свирена воопшто. Марти Фридмен, еден од авторите на песната, во 2002 за песната изјавил:

Ова е мојата омилена песна од Cryptic Writings. Едноставно е преубава. Одлична е за радио во летно време бидејќи ја доловува суштината на рокенролот. Морам да истакнам дека ремиксуваната верзија е уште позабавна за слушање.

—Марти Фридмен, 2002 г.

Надворешни врски

• Текстот на песната
• Спотот за „Almost Honest“ на YouTube

Поврзано

• Мегадет
• Cryptic Writings