Trust
Trust е првата нумера од седмиот студиски албум на Мегадет, насловен Cryptic Writings. Била издаден како сингл на 8 мај 1997 година, во две верзии на англиски и на шпански јазик.
| „Trust“ | |||||
|---|---|---|---|---|---|
| |||||
| Сингл од Мегадет | |||||
| од албумот Cryptic Writings | |||||
| Издаден | 8 мај 1998[1] | ||||
| Формат | ЦД сингл, дигитално спуштање | ||||
| Снимен | 1996 | ||||
| Жанр | Хеви метал | ||||
| Должина | 5:11 | ||||
| Издавачка куќа | Капитол | ||||
| Композитор | Дејв Мастејн Марти Фридмен | ||||
| Продуцент | Дејв Мастејн | ||||
| Хронологија на синглови на Мегадет | |||||
| |||||
Песната се пласирала на 5. место на табелата за најпопуларни рок нумери во САД, најмногу благодарение на зачестеното телевизиско и радио емитување. Со таквата позиција, таа е најдобро рангираната песна од целокупниот музички каталог на бендот. Била поставена на три компилациски албуми со најголеми хитови, меѓу кои Capitol Punishment, Back to the Start и Anthology: Set the World Afire, како и во сетот албуми Warchest.
Текстот во песната зборува за неуспешна љубовна врска поради меѓусебна неискреност. „Trust“ добила номинација за Греми награда во категоријата „Најдобра хеви метал изведба“ (1998).[2]
Во изданието за латино-американскиот пазар, рефренот на песната е отпеан на шпански, но останатите строфи се на оригинилниот англиски јазик. И песната „Promises“ од албумот The World Needs A Hero (2001) била специјално снимена со текст на шпански јазик.
Список на песни уреди
- „Trust“ – 5:13
- „A Secret Place“ – 5:31
- „Tornado of Souls“ (во живо) – 5:55
- „À Tout le Monde“ (во живо) – 4:52
Наводи уреди
- ↑ The iTunes music store[мртва врска], проверено на 13 март 2008
- ↑ „The Realms of Deth - Cryptic Writings (Trust)“. Архивирано од изворникот на 2011-05-26. Посетено на 2013-04-05.