Шри Чинмој

Шри Чинмоj Кумaр Гош^[1] (27 август 1931 - 11 октомври 2007) бил индиски филозоф и учител (гуру) кој емигрирал во САД во 1964.^[2]

Шри Чинмој бил роден во Шакпура, мало село во Источен Бенгал, денешен Бангладеш, во 1931 година, како најмлад од седумте деца. По смртта на неговите родители, во 1944, 12-годишниот Чинмој отишол во Ашрамот на Шри Ауробиндо, духовна заедница во близина на Пондичери во Јужна Индија. Тука тој ги поминал наредните 20 години во духовна пракса која вклучувала долги часови на медитација, атлетика, пишување поезија, есеи и духовни песни.

Уште како млад, Чинмој имал многу длабоки внатрешни искуства. Во годините што следеле достигнал многу напредни состојби на медитација. Во 1964 година, тој се преселил во Њујорк за да го сподели неговото внатрешно богатство со „искрените трагачи на Западот“.

Шри Чинмој на аспирацијата - незапирливиот копнеж на срцето за сѐ повисоки и подлабоки реалности - гледа како на духовна сила којашто стои зад сите големи напредувања во религијата, културата, спортовите и науката. Според неговите учења, живеејќи во срцето и стремејќи се за постојано себе-надминување, мажите и жените можат да го изнесат напред најдоброто во нив и да го најдат својот пат кон вистинското задоволство. Тој кажал:

„Нашата цел е да се оди од светло кон посветло и најсветло, од високо кон повисоко и највисоко. Дури и во највисокото нема крај на нашиот прогрес, бидејќи самиот Бог е внатре во секој од нас и Бог во секој момент ја транцендира својата сопствена реалност.“

Наводи

↑ Sands 2001, стр. 26. Шри Чинмој е името под коешто гуруто проповедал, издавал, компонирал и изведувал од околу 1972 година. Пред тоа бил познат како Шри Чинмој Кумар Гош (пр. „Many at U.N.“, Њујорк тајмс, 8 ноември 1971: 42). На повеќето од своите слики и цртежи се потпишувал како C.K.G ("C.K.G." Jharna-Kala Magazine 1.1 (април.–јуни 1977): 1).
↑ Dua 2005, стр. 7.

Надворешни врски

Шри Чинмој Центар - Македонија (македонски)
Шри Чинмој (македонски)
Шри Чинмој Маратон Тим (англиски)
Sri Chinmoy Pages - Официјални Шри Чинмој страници на голем број теми (англиски)

[1] Sands 2001, стр. 26. Шри Чинмој е името под коешто гуруто проповедал, издавал, компонирал и изведувал од околу 1972 година. Пред тоа бил познат како Шри Чинмој Кумар Гош (пр. „Many at U.N.“, Њујорк тајмс, 8 ноември 1971: 42). На повеќето од своите слики и цртежи се потпишувал како C.K.G ("C.K.G." Jharna-Kala Magazine 1.1 (април.–јуни 1977): 1).

[2] Dua 2005, стр. 7.

[1]

[2]