Четирска Река

река во Егејска Македонија и Албанија

Четирска Река[1][2] (грчки: Ανω Ρέμα, порано: Κόρε ρέκα, Горе Река; албански: Lum i Shagut, во превод Шачка Река) — река во Костурско, Егејска Македонија и Деволско, Албанија. Таа е десна притока на Рулска Река (почеток на Бистрица). Реката е северна граница на планината Алевица од нејзиното навлегување на албанска територија до влевањето во Рулска Река.

Четирска Река
Ανω Ρέμα
Местоположба
ЗемјиГрција, Албанија
КраиштаНестрамско, Егејска Македонија
Деволско, Албанија
Костурско, Егејска Македонија
Физички особености
Извор 
 • местоГал’мбица
 • координати40°27′10″ N; 20°58′14″ E / 40.4529° СГШ; 20.9706° ИГД / 40.4529; 20.9706
Устие 
 • место
Рулска Река
 • координати
40°31′03″ N; 21°11′39″ E / 40.5174° СГШ; 21.1943° ИГД / 40.5174; 21.1943Координати: 40°31′03″ N; 21°11′39″ E / 40.5174° СГШ; 21.1943° ИГД / 40.5174; 21.1943
Должина43,7 км
Особености на сливот

ОписанУреди

Извориштето на Четирската Река е во планината Гал’мбица (Алевица), под врвот Мала Алевица на 1.460 м.н.в., јужно од селото Ревани.

Реката ја напушта ридестата котлина кај Ревани на север и навлегува во длабока шумовита клисура на територијата на Албанија. Кај с. Брачани свртува на исток и правејќи голем свиок околу сртот Крастава (најсеверниот разгранок на Алевица), поаѓа обратно на југоисток и повторно влегува во Егејска Македонија. Четирска Река ја напушта клисурата кај с. Долно Папратско и навлегува во Четирското Поле кај с. Ошени.

Завршува како притока на Рулска Река кај с. Четирок и има вкупна должина од 43,7 км.[3][4][5][6][7][8]

Револуционерот Георги Христов напишал за Четирска Река:

Нејзината притока [на Бистрица] р. Четирска отпочнува од аголот меѓу разграноците на Гал’мбица, врви на с[евер] по длабока наопислива клисура, се извива над с. Невеселени полукружно и откако ќе ги прими водите на голе­миот извор под с. Лабаница зема ј[уго]и[источен] правец кај с. Г[орно] Папратско, го образува вториот помал завој, навлегува во убавиот Ошански Кланец и задржувајќи ја источната насока се среќава со р. Бистрица, на која ѝ ги доверува нејзините води. Четирска Р[ека], која тече по прекрасни клисури, долови и долини влегува во Рупишко целосно само со подрачјето околу нејзиното корито и десни притоки.[9]

ИмињаУреди

Во горното течение Четирска Река го носи денешното грчко име Потами (Ποταμοί, во прев. „Река“). Во делот околу сртот Крастава се нарекува Шак или Шаг истоименото село Шак, и Новоселска Река по името на поранешното Ново Село. Откако ќе излезе од клисурата кај с. Долно Папратско, го носи името Горе Река, што е грчко преиначување на македонското Горна Река. На 5 мај 1969 г. властите го смениле името од Κόρε ρέκα во Ανω Ρέμα со истото значење, но на грчки.[10]

ПоврзаноУреди

НаводиУреди

  1. Костурско. Софија: Издание на Костурското братство. 1940.
  2. Марков, Георги Христов (2002). Хрупищко (PDF). Хасково: Държавен архив - Хасково, Интерфейс. стр. 17, 21. ISBN 954-90993-1-8.
  3. Топографска карта Sheet D4 Korçë, GSGS 4439 Series Reproduced from M.D.R. 610/9877. Greece (Albania) 1:100,000, 1944
  4. „Топографска карта, Лист 831 Лерин, серија „ТК100" 1:100,000 на Војногеографски институт, ЈНА, 1987“. Архивирано од изворникот на 2022-04-03. Посетено на 2021-09-24.
  5. Топографска карта, серија „Генеральный штаб ВС СССР“, размер 1:50 000, лист К-34-126-Б, Горица (Корча), 1988.
  6. Топографска карта, серија „Генеральный штаб ВС СССР“, размер 1:50 000, лист К-34-127-А, Капештица, 1988.
  7. Топографска карта, серија „Генеральный штаб ВС СССР“, размер 1:50 000, лист К-34-126-Г, Ревани (Дипотамија), 1988.
  8. Топографска карта, серија „Генеральный штаб ВС СССР“, размер 1:50 000, лист К-34-127-В, Нестрам (Несторио), 1988.
  9. Марков, Георги Христов (2002). Хрупищко (PDF). Хасково: Държавен архив - Хасково, Интерфейс. стр. 21. ISBN 954-90993-1-8.
  10. „Διατάγματα. Β. Διαταγμα ΥΠ' Αριθ. 266. Περὶ μετονομασίας συνοικισμὤν, κοινοτήτων καὶ θέσεων“ (PDF). Εφημερίς της Κυβερνήσεως του Βασιλείου της Ελλάδος (грчки). Εν Αθήναις: Ἐκ τοῦ Εθνικού Τυπογραφείου. Τεύχος Πρώτον (Αριθμός Φύλλου 79): 713. 1969. Занемарен непознатиот параметар |month= (help)