Рупишта (општина)

Општина Рупишта Δήμος Ορεστίδος
Општина Орестида на картата на Западна Македонија
Податоци
Област:	Западна Македонија
Округ:	Костур
Гео. област:	Костенарија
Население:	13 375 (2001)
Седиште:	Рупишта
Нас. места:	31
Пошт. бр.:	520 59
Пов. бр.:	24670-72
Портал:	dimos-orestidos.gr

Рупишта или Хрупишта (дијалектно: Рупишча или Хрупишча; грчки: Δήμος Ορεστίδος, Димос Орестидос) — општина во западниот дел на Егејска Македонија, денес во Грција. Административен центар е градот Рупишта (Аргос Орестико). Според пописот од 2001 г., општината има 13 375 жители. Етногеографски, ги опфаќа селата во Костурското Поле и областа Костенарија.

Наречена е по нејзиното главно населено место — гратчето Рупишта (Хрупишта), кое пак на грчки подоцна е преименувано според горномакедонската област Орестида, согласно грчката политика на присвојување на древната историја на Македонија.

Населени места

Општината е создадена на 1 јануари 2011 г., со спојување на две поранешни општини: Рупишта (до септември 2006 г. службено наречена Орестида) и Јон Драгумис, наречена по грчкиот пропагандист Јон Драгумис.

Општинска единица Рупишта

Според пописот од 2001 г., општината Рупишта (Δήμος Άργους Ορεστικού) има 9 918 жители и ги опфаќа следниве општински оддели и населени места:

Поранешната општина Рупишта на картата на некогашниот округ Костур.

• Општински оддел Рупишта (7 560)

• град Рупишта (Рупишча или Хрупишта; Άργος Ορεστικό, Аргос Орестико) (7 558 жители)
• село Семаси (Κρεμαστό, Кремасто) (2 жители)

• Општински оддел Бела църква (442 жители)

• село Бела Црква (Ασπροκκλησιά, Аспроклисија) (419 жители)
• село Шкрапари (Ασπρονέρι, Аспронери) (23 жители)

• Општински оддел Жиковишта (80 жители)

• село Жиковишта (или Жиковишча; Σπήλιος, Спилиос) (29 жители)
• село Бухин (Ανθηρό, Антиро) (45 жители)
• село Лучишта (или Лучишча; Κερασώνα, Керасона) (6 жители)

• Општински оддел Жужелци (83 жители)

• село Жужелци (Σπήλαια Спилеја) (57 жители)
• село Долени (Ζευγοστάσιο/Ζευγοστάσι, Зевгостасио или Зевгостаси) (26 жители)

• Општински оддел Забрдени (308 жители)

• село Забрдени (Μελάνθιο, Мелантио) (218 жители)
• село Вичишта (или Вичишча; Νίκη, Ники) (55 жители)
• село Езерец (Πετροπουλάκι Петропулаки) (35 жители)

• Општински оддел Либешево

• село Либешево (Άγιος Ηλίας, Агиос Илијас) (42 жители)

• Општински оддел Ланга

• село Ланга (Λάγκα, Ланка) (110 жители)

• Општински оддел Моласи (302 жители)

• село Моласи (Διαλεκτό, Дијалекто) (204 жители)
• село Ресулјани (или Ресулја; Βέλος, Велос) (98 жители)

• Општински оддел Нестиме

• село Нестиме (Νόστιμο, Ностимо) (115 жители)

• Општински оддел Осничани (75 жители)

• село Осинчани (или Осничени; Καστανόφυτο, Кастанофито) (51 жител)
• село Мангила (Άνω Περιβόλι Ано Периволи) (24 жители)

• Општински оддел Песјак (359 жители)

• село Песјак (Αμμουδάρα, Амудара) (112 жители)
• село Марковени (Αμπελοχώρι, Амбелохори) (179 жители)
• село Витан (Βοτάνι, Вотани) (68 жители)

• Општински оддел Скумско

• село Скумско (Βράχος, Врахос) (67 жители)

• Општински оддел Старичани (375 жители)

• село Старичани (Λακκώματα, Лакомата) (194 жители)
• село Госно (Λαχανόκηποι, Лаханокипи) (149 жители)
• село Лудово (Κρύα Νερά, Крија Нера) (32 жители)

На територијата на општинската единица се наоѓаат и днес напуштените села Оловраде (Головраде или Лувраде; Скиеро), Марчишта (Като Периволи), Лагор (Лагора) и Братмир.

Општинска единица Јон Драгумис

Поранешната општина Јон Драгумис на картата на некогашниот округ Костур.

Според пописот од 2001 г., општината Јон Драгумис (Δήμος Ίωνος Δραγούμη), наречена по грчкиот пропагандист Јон Драгумис, со седиште во Богатско (Вогацико) има 3 457 жители и ги опфаќа следниве општински оддели и населени места:

• Општински оддел Богатско

• село Богатско (Βογατσικό, Вогацико) (793 жители)

• Општински оддел Здралци

• село Здралци (Αμπελόκηποι, Амбелокипи) (688 жители)

• Општински оддел Костураџе

• село Ново Костураџе (Κωσταράζι, Костарази) (874 жители)

• Општински оддел Лошница

• село Лошница (Γέρμας, Гермас) (720 жители)

• Општински оддел Слимништа

• село Слимништа (или Слимнишча; Μηλίτσα, Милица) (382 жители)

Поврзано

• Костенарија
• Орестида

Надворешни врски

• Портал на Општина Рупишта