Црква „Успение на Пресвета Богородица“ - Гуменџе
Успение на Пресвета Богородица (грчки: Ἱερός Ναός Κοίμησης της Θεοτόκου) — црква на истоимениот машки манастир во гратчето Гуменџе, Ениџевардарско, Егејска Македонија. Влегува во состав на Гуменџиско-бојмичко-ругуновската епархија на Цариградската патријаршија.[1][2][3]
| Успение на Пресвета Богородица | |
|---|---|
| Κοίμησης της Θεοτόκου | |
 Западната фасада | |
 | |
| 40°56′43″N 22°26′49″E / 40.94528° СГШ; 22.44694° ИГД | |
| Место | Гуменџе, Ениџевардарско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Културнонаследна категорија | споменик на културата |
| Архит. тип | трикорабна базилика |
| Завршена | 1802 |
| Управа | |
| Архијерејско намесништво | Гуменџиско |
| Епархија | Гуменџиско-бојмичко-ругуновска |
Според натписот на неа, црквата е подигната е во 1802 г. како гробишен храм на старите гробишта во југозападниот дел на гратчето. На друг натпис стои дека е обновена во 1837 г. Во средината на XIX век храмот е проширен на запад и на југ со доградба на трем и горна галерија. Црквата е трикорабна базилика со внатрешни димензии од 16,1 × 23,8 м. Трите кораби се одвоени со осум пара столбови, со тоа што последниот пар е зад иконостасот. Галеријата е сместена над тремот и има облик на буквата Г. Олтарот е поликонхален, а нишите на ѓаконикот и жртвеникот не излегуваат од источниот ѕид. Единствената апсида е полукружна одвнатре и осумаголна однадвор, оформена со осум полустолбови со капители. Храмот е граден од речни камења, а целата апсида е од делкани блокови. Главниот влез е од југ, а споредниот од запад. Внатре има фрески на северниот, јужниот и западниот ѕид. Иконостасот, балдахините и проскинитариите се резбани.[1]
Во 1983 г. црквата е прогласена за споменик на културата.[1][4]
Со создавањето на Гуменџиската епархија во 1991 г. храмот станал црква на новооснован манастир. Во 1999 г. црквата повторно претрпела ремонт.[1]
Поврзано
уредиНаводи
уреди- ↑ 1,0 1,1 1,2 1,3 „2. Ιερός ναός Κοίμησης της Θεοτόκου Γουμένισσης“. Ανάδειξη των Μεταβυζαντινών Μνημείων στην Μητροπολιτική Περιφέρεια Γουμενίσσης- Αξιουπόλεως - Πολυκάστρου μέ κέντρο τό Δήμο Ευρωπού. Посетено на 25 јуни 2014.[мртва врска]
- ↑ „Ιερά Μονή Παναγίας Γουμένισσας“. Μοναστήρια της Ελλάδος. Посетено на 26 јуни 2017.[мртва врска]
- ↑ „Γουμένισσα, Ι.Μ. Παναγίας“. Enjoy Kilkis. Архивирано од изворникот на 2021-02-27. Посетено на 14 март 2018.
- ↑ „ΥΑ ΥΠΠΕ/ΑΡΧ/Β1/Φ34/13803/292/22-3-1983 - ΦΕΚ 230/Β/28-4-1983“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 2022-05-14. Посетено на 23 октомври 2014.