Црква „Св. Никола Геракомија“ - Охрид
Црквата „Св. Никола“ - Геракомија — црква во Охрид[1], Македонија. Храмот е граден од кршен камен во долните партии, додека горните партии се ѕидани од делкан бигор во варов малтер. Во основа е трикорабна базилика, каде централниот брод е засводен со три слепи куполи, а јужниот и северниот кораб се полуцилиндрично засводени. Сводовите не се ѕидани, туку на дрвена конструкција, на дрвени летви е поставен тенок слој варов малтер над кој е изведен зивопис. Невообичаено и необјасниво е сознанието дека храмот во XIX век, и сè до денешни дни не е целосно живописан. Со сликање на овој храм најверојатно е започнатов во шеесеттите години на XIX век, односно кога Дичо Зографот доаѓа во Охрид. Особено внимание заслужува живописот во сводовите на северниот и на јужниот кораб и трите слепи куполи, бидејќи тоа е дело на најпродуктивниот зограф од XIX век во Македонија, Дичо Крстев од с. Тресонче. Сликаните партии на фреско-декорација во олтарниот простор кои се со послаб квалитет се дело на фрескоживописци од Опеница-Охридско. Внатрешноста на храмот го краси сликан иконостас кој го изработил мајстор и зограв Дичо Зографот во 30 октомври 1862 година[2].
  Св. Никола Геракомија
| |
Поглед на црквата | |
| македонска православна црква | |
| Епархија | Дебарско-кичевска |
| Архијерејско намесништво | Охридско |
| Парохија | Прва охридска |
| Местоположба | |
|---|---|
|
| |
| Место | Охрид |
| Општина | Охрид |
| Држава | Македонија |
| Општи податоци | |
| Покровител | Свети Никола |
| Живопис | 1860 |
| Зограф | Дичо Зограф |
| Мрежно место | СВ. НИКОЛА - Геракомија |
| Архитектонски опис | |
| Архит. тип | трикорабна базилика |
Наводи
уреди- ↑ Цркви во Охрид
- ↑ „СВ. НИКОЛА“. Архивирано од изворникот на 2010-07-24. Посетено на 2009-08-29.
Надворешни врски
уреди
Црква „Св. Никола Геракомија“ - Охрид на Ризницата ?- СВ. НИКОЛА - Геракомија Архивирано на 20 јуни 2014 г. на мрежното место на Дебарско-кичевската епархија
