Црква „Св. Никола“ - Тркање
Св. Никола — православна црква во кочанското село Тркање, претставника на Македонската преродба. Му припаѓа на Кочанското архијерејско намесништво во Брегалничката епархија на МПЦ - ОА.
  Свети Никола
| |
| македонска православна црква | |
| Епархија | Брегалничка |
| Архијерејско намесништво | Кочанско |
| Парохија | Облешевска |
| Местоположба | |
|---|---|
|
| |
| Координати | 41°54′37″N 22°21′38″E / 41.91028° СГШ; 22.36056° ИГД |
| Место | Тркање |
| Општина | Кочани |
| Држава | Македонија |
| Општи податоци | |
| Покровител | Свети Никола |
| Завршено | 1830 |
| Живопис | 1868 |
| Архитектонски опис | |
| Стил | преродбенички |
Црквата е изградена во 1830, а живописана е во 1868 година.[1] Празничните икони на иконостасот се од 1858 г., дело на крушевскиот зограф Никола Михајлов.[2]
Во триод од храмот има приписки: „Знано буди 1883 година падна церквата“, „Този триодонъ е купенъ съ цѣрковни пари 1849“ и „Церквата е правена 1883“. Од нив може да се заклучи дека храмот силно настрадал и во 1883 г. е одново изграден.[3]
Еден од зографите што работеле на обновата е Евтим Иванов од Осој, Дебарско, кој подоцна се преселил во Кочани. Во полукупола над западната врата во припратата тој оставил натпис: „Воиимѧа ѿца и сїна и светаго дха сей божествени храмъ на Светаго Ніколаї обновисѧ во лето: 1917: г: ме априлъ дена 4: но това време бѣ с Х. у свещенїкъ Ѧне питропъ Ефремъ Димитрїевъ настоѧтелъ Ефтим Зашовъ и Гуцо Арсофъ изъ руки Ефтимъ: Ивановъ от Дебрско с: Осой + клисаръ Хрланпи Ефтимовъ“.[3]
Во 1889 г. на црквата работел дебарскиот мајстор Исаија Џиков, сликајќи фрескопис и икони. Од внатрешната страна над северната врата е зачуван натпис: „Вославу стїыѧ единосущныѧ животворѧщиѧ и нераздѣлныѧ троице ѡца и сна итаго дха: иже во богохранимотъ село Таркане исписахсѧ сеи бжестненыі црковъ сти Николае исо вси ѡпщаѧ христианскаѧ помощъ: изруки зуграфъ Исаиѧ ѿ каза деборска ѿ село Осой Џиковъ: 1889: ле.“ Според Асен Василиев фреските се „бежзивотни и задоени со декадентен вкус“. Иконите во храмот според него се подобри, како како на пример оние на Свети Атанасиј, Архангел Михаил, Свети Никола, Пресвета Богородица, датирана „Во лѣто 1883 октомврій 27 д.“, Исус Христос (59 × 95 см) со натпис: „Си. икони изъ руки Исаиѧ Джиков ѿ село Ѡсоиі: 1883“, Јован Кръстител, Архангел Гавриил, датирана 1883 г., Свети Илија со натпис: „Сиѧ икона приложи Илчѡ Филиповъ за чадомъ его Кузманъ Миѧилъ Ефтимъ Ћерасимъ Псалтиръ Доца Иѡрдана 1883“. На северниот ѕид на храмот е иконата на Свети Ѓорѓи, натпишана со „Сиѧ икона приложи Иованъ Миновъ со чадомъ Мино Щерю Ташо Ангеле Гиѡрги 1884“. На јужниот ѕид е иконата на Свети Димитрија, датирана 1883 г.[4] Во црквата има творби кои му се припишуваат велешкиот мајстор Крсте Зограф.[5]
Поврзано уреди
Наводи уреди
- ↑ „Облешевска парохија“. Брегалничка епархија. Архивирано од изворникот на 2018-12-15. Посетено на 29 март 2014.
- ↑ Николоски, Дарко. „Прилог кон делото на зографот Никола Михаилов“ (PDF). Ниш и Византија XI: зборник радова. Симпозиум „Ниш и Византија XI“, Ниш. Архивирано од изворникот (PDF) на 2014-04-08. Посетено на 8 април 2014. Занемарен непознатиот параметар
|дата=(help) - ↑ 3,0 3,1 Василиев, Асен (1965). Български възрожденски майстори: живописци, резбари, строители. София: Наука и изкуствo. стр. 258.
- ↑ Василев, стр. 267
- ↑ Ајтовска, Љубинка, Илинка Атанасова (2017). Црквата Свети великомаченик Георгиј – еден век постоење. Кочани: Општина Кочани. стр. 29.