Црква „Св. Никола“ - Слепче (Демирхисарско)
Св. Никола — главна црква во демирхисарското село Слепче, претставник на Македонската преродба. Му припаѓа на Крушевско-демирхисарското архијерејско намесништво во Преспанско-пелагониската епархија на МПЦ - ОА.
  Свети Никола
| |
Поглед на црквата | |
| македонска православна црква | |
| Епархија | Преспанско-пелагониска |
| Архијерејско намесништво | Крушевско-демирхисарско |
| Парохија | Слепчанска |
| Местоположба | |
|---|---|
|
| |
| Координати | 41°13′57″N 21°10′25″E / 41.23250° СГШ; 21.17361° ИГД |
| Место | Слепче |
| Општина | Демир Хисар |
| Држава | Македонија |
| Општи податоци | |
| Покровител | Свети Никола |
| Завршено | 1867 |
| Живопис | 1884 |
| Градител | Коста, Јован и Ангеле од Цер |
| Зограф | Коста Анастасов |
| Архитектонски опис | |
| Архит. тип | еднокорабна базилика |
Црквата е изградена врз темелите на стара црква во 1867 година.[1]
Претставува еднокорабна градба со полукружен свод, петстрана апсида на исток, и трем и женска црква на запад. Од внатрешната страна на северниот и јужниот ѕид има потпорни пиластри поврзани со лакови. Ѕидаријата е од полуобработен камен; прозорците, аглите, венецот и апсидата се од делкан бигор, а вратите се од мермер во плиток релјеф. Во дворот има камбанарија и тој е заграден, и во него се влегува преку масивна дрвена врата.[1]
Во храмот има полузачуван натпис со годината на зографисување — 1884.[1] На него стои името на Коста Анастасов, зограф кој работел и на соседниот Слепченски манастир, но може и да се однесува на мајстор-градител со истото име.[2] Според друго толкување, се работи за брат му Никола Анастасов.[1]
Слики
уреди
Поврзано
уредиНаводи
уреди- ↑ 1,0 1,1 1,2 1,3 Димитров, Никола В. (2017). Географија на населби - Општина Демир Хисар (PDF). Битола. стр. 72. ISBN 978-608-65616-4-2.
- ↑ Василиев, Асен (1965). Български възрожденски майстори: живописци, резбари, строители. София: Наука и изкуство. стр. 279.
Надворешни врски
уреди
Црква „Св. Никола“ - Слепче (Демирхисарско) на Ризницата ?
