Црква „Св. Никола“ - Небрегово

Свети Никола – главна селска црква во селото Небрегово.^[1] Сместена е на влезот од селото, непосредно по завршувањето на патот кој води од соседното село Дупјачани.

Местоположба
Свети Никола

Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Варошка

Координати	41°26′58″N 21°33′37.2″E / 41.44944° СГШ; 21.560333° ИГД / 41.44944; 21.560333
Место	Небрегово
Општина	Долнени
Држава	Македонија
Општи податоци
Покровител	Свети Никола
Завршено	1882
Архитектонски опис

Историја

Црквата била изградена во 1882 година.^[2]

Архитектура

Градбата на црквата е еднокорабна, полукружно засводена, со правоаголна основа и полукружна апсида на источната страна којашто е украсена со седум слепи ниши.^[2] Главниот влез на црквата се наоѓа на западната страна и над него има ниша со фреска во лоша состојба на којашто е прикажан Свети Никола. Храмот има и спореден влез на јужната страна, а над него исто така има ниша со фреска во лоша состојба на којашто е насликан Архангел Михаил. Објектот е изграден од камен и е покриен со кров од ќерамиди. Во јужниот ѕид од надворешната страна на црквата е вѕидана мермерна плоча со релјефна претстава на Атина и Херкул. Пред црквата се наоѓа фрагментиран столб.^[3]

Дворот на црквата е ограден со камена ограда и во него се сместени камбанаријата, помошен објект и селските гробишта. Камбанаријата има квадратна основа. Изградена е од камен и на секоја страна има по една монофора. Влезот на камбанаријата се наоѓа на источната страна.

Галерија

Главниот влез на црквата
Споредниот влез
Апсидата
Камбанаријата
Влезот на камбанаријата
Помошниот објект
Селските гробишта

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 19. ISBN 978-608-65143-2-7.
↑ ^2,0 ^2,1 „Црква „Свети Никола“, село Небрегово“. OldPrilep. 14 мај 2012.
↑ Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. ISBN 9989649286.

Надворешни врски

Црква „Св. Никола“ - Небрегово на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. стр. 19. ISBN 978-608-65143-2-7.

[црква-2] 2,0 ^2,1 „Црква „Свети Никола“, село Небрегово“. OldPrilep. 14 мај 2012.

[Коцо-3] Коцо, Димче (1996). Археолошка карта на Република Македонија. II. Скопје: Македонска академиjа на науките и уметностите. ISBN 9989649286.

[1]

[2]

[3]