Црква „Св. Никола“ - Вевчани

Свети Никола (наречена уште и Горна црква) — главната црква во селото Вевчани, а воедно и парохиски храм на Вевчанската парохија.^[1]

Местоположба
Свети Никола

Поглед на црквата
македонска православна црква
Епархија	Дебарско-кичевска
Архијерејско намесништво	Струшко
Парохија	Вевчанска

Координати	41°14′22″N 20°35′24″E / 41.23944° СГШ; 20.59000° ИГД / 41.23944; 20.59000
Место	Вевчани
Општина	Вевчани
Држава	Македонија
Општи податоци
Покровител	Свети Никола
Изградба	1834
Завршено	1864
Осветување	1876
Живопис	1879
Зограф	Аврам Дичов
Архитектонски опис
Архит. тип	трикорабна

Историја

Изградбата или можеби обновата на оваа црква започнала во 1834 година. Градбата на црквата била завршена во 1864 година.^[2]

Архитектура

Апсидата на црквата.

Црквата претставува трикорабна базилика со олтар, лаѓа и балкон. Црквата е долга 18, а широка 12,5 метри.

Изградена е со рамен под, што во тоа време не било дозволено од османлиските власти. Црквата е градена од рачно делкан камен, а влезната врата е ѕидана со калај. Над неа, како и над другите отвори, во каменот се врежани библиски симболи. Каменот бил ваден од Мајдан, во планината над Вевчани, а бил носен со волови.^[2]

Фрескоживопис

Фреска од Аврам Дичов.

Зографисувањето е дело на Аврам Дичов, најстариот син на Дичо Зограф, а се работело во истовреме за да заврши во 1879 година. Црквата со импозантни димензии, градена со фантазија и богато зографисана, е еден од најубавите преродбенски споменици во Македонија.^[2]

Иконостас

Иконите во црквата се изработени од Дичо Зограф од село Тресонче. Овој истакнат мијачки зограф во овој свет храм оставил вредни дела. Првата негова икона за црквата најверојатно е изработена во 1849 година. Од раката на Дичо се изработени и престолните икони во 1876 година, која што се смета и за година на осветување на црквата.^[2]

Галерија

Поглед на црквата
Поглед на црквата
Гробови во дворот
Помошна градба на црквата
Влезната порта на црквата
Помошен влез во црквата
Помошен влез во црквата
Фреска над влезот на црквата
Икона од црквата
Фреска во црквата
Икона од црквата
Икона од црквата

Поврзано

Наводи

↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
↑ ^2,0 ^2,1 ^2,2 ^2,3 „Светилишта | Vevchani Info“. vevchani-info.mk. Посетено на 2018-12-09.

Надворешни врски

Црква „Св. Никола“ - Вевчани на Ризницата ^?

[1] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.

[:0-2] 2,0 ^2,1 ^2,2 ^2,3 „Светилишта | Vevchani Info“. vevchani-info.mk. Посетено на 2018-12-09.

[1]

[2]