Црква „Св. Никола“ - Љубанци (селска)

За други значења на поимот, погл. Црква „Св. Никола“ - Љубанци.

Свети Никола — главна селска црква во скопското село Љубанци.^[1] Прогласена е за споменик на културата на Македонија.

Местоположба
Свети Никола

Поглед на црквата
македонска православна црква
Епархија	Скопска
Архијерејско намесништво	Северноскопско

Координати	42°6′34.6″N 21°27′14.1″E / 42.109611° СГШ; 21.453917° ИГД / 42.109611; 21.453917
Место	Љубанци
Општина	Бутел
Држава	Македонија
Општи податоци
Покровител	Свети Никола
Живопис	1881
Архитектонски опис

Местоположба

Црквата се наоѓа во самото село.^[2]

Историја

Народната традиција наведува дека црквата била подигната во исто време како и познатата Јахја-пашина џамија во Скопје. За градењето на црквата, заслуга има еден предок во денешниот род Ниниќевци, кој добил одобрение за изградба на црквата токму од Јахја-паша.^[2]

Црквата била повторно поправана во 1881 година.^[2]

Архитектура

Фрескоживопис

Црквата поседува живопис, кој потекнува од 1881 година.^[2]

Иконостас

Долго време се верувало дека престолните икони за црквата биле изработени од страна на познатиот мајстор Дичо Зограф. Сепак, при неодамнешните теренски истражувања и увид на самите икони, се дошло до заклучок дека престолните икони во црквата не се дело на самиот Зограф, туку на мајсторот Павле Аврамовски од селото Галичник, кој завршил со работа во црквата во 1881 година. Ова е потврдено и со натписот на сводниот лак, кој се наоѓа на јужната страна од црквата. Веројатно, истражувачите во минатото ја поистоветиле оваа црквата со истоимената манастирска црква, која се наоѓа над самото село Љубанци.^[3]