Црква „Св. Богородица Балаклија“ - Оризари

Света Богородица Балаклија (или Пресвета Богородица Балаклија) — главна манастирска црква на манастирот Добра Вода во кочанското село Оризари, Македонија.

Местоположба
Света Богородица Балаклија

Поглед на црквата во 2023 година
македонска православна црква
Епархија	Брегалничка
Архијерејско намесништво	Кочанско
Парохија	Оризарска

Координати	41°56′16″N 22°27′35″E / 41.93778° СГШ; 22.45972° ИГД / 41.93778; 22.45972
Место	Оризари
Општина	Кочани
Држава	Македонија
Општи податоци
Покровител	Пресвета Богородица
Изградба	1974
Осветување	1 мај 1992 5 ноември 2023
Архитектонски опис

Местоположба

Црквата се наоѓа над денешното Оризари, додека во минатото црквата била над некогашното село Витоша.^[1]

Во близина на црквата се наоѓа изворот Добра Вода, по кого е и наречен целиот манастир.^[1] За изворот се верува дека е лековита вода.

Историја

Истражувачот Јован Трифуноски наведува дека на месноста Бела Црква, североисточно од денешното село, постоеле остатоци на срушена црква. Од црквата биле видливи ѕидови високо до 60 центиметри, а црквата била долга 8 и широка околу 4 метри. На ѕидовите се познавале и фрагменти од фрескоживопис.^[1]

Храмот бил изграден во 1974 година на темелите од старата црква, а бил осветен на 1 мај 1992 година од страна на митрополитот Брегалнички г. Стефан.^[2]

Црквата била преосветена од страна на митрополитот Брегалнички г. Иларион на 5 ноември 2023 година откако истиот бил целосно обновен, фрескоживописан и добил нов иконостас.^[3]