Црква „Успение на Пресвета Богородица“ - Охрид
Успение на Пресвета Богородица (позната како: Света Богородица Каменско) — македонски православен храм во градот Охрид. Оваа црква се наоѓа во строгиот центар на градот Охрид, во стариот дел на градот, над стариот чинар и фонтаната во чаршијата. Во дворот на црквата се наоѓа гробот на дебарско-кичевскиот митрополит Антониј. Црквата изобилува со прекрасен фрескоживопис, како и со два сводови на кои се насилкани Пресвета Богородица и Исус Христос во централна положба. Исто така во црквата постои раскошен резбан иконостас. Не е познато кој мајстор го правел иконостасот, но се претпоставува дека станува збор за мијачки мајстор. Според својата конструкција иконостасот е поделен на пет хоризонтални полиња[1]. Се смета дека црквата е изградена и живописана во XVII век, а била проширена во 1832 година[1], што како година стои врежано над влезната порта во дворот на црквата. Црквата била живописана уште двапати, првиот пат од познатиот и прочуен зограф Дичо Зограф во 1863 година и вторпат во 1924 година[1].
  Успение на Пресвета Богородица (Каменско)
| |
Црквата „Света Богородица“ Каменско во центарот на Охрид, погледната од фонтаната кај Стариот чинар | |
| македонска православна црква | |
| Епархија | Дебарско-кичевска |
| Архијерејско намесништво | Охридско |
| Парохија | Втора охридска |
| Местоположба | |
|---|---|
|
| |
| Место | Охрид |
| Општина | Охрид |
| Држава | Македонија |
| Општи податоци | |
| Покровител | Пресвета Богородица |
| Изградба | XVII век (проширување 1832 година) |
| Живопис | XVII век, 1863 година, 1924 година |
| Зограф | Дичо Зограф |
| Архитектонски опис | |
Оваа црква е централна парохиска црква на Втората охридска парохија. Фрескоживописот и иконите на иконостасот се дело на познатиот македонски зограф Дичо Зограф, изработени во 1863 година. Во 1991 година изградена е административна зграда. Во септември и октомври 2002 година, од страна на Заводот за заштита на спомениците на културата и Народен музеј - Охрид, извршено е чистење и конзервација на фрескоживописот. На 28. V 2004 година завршено е фрескоживописувањето на западната страна на црквата, која не беше живописана. На 15. VI 2004 година завршено е поплочувањето на подот со мермер гранит, а во месец декември 2006 година извршено е проширување на дворот, под кого се направени магацини, и негово партерно уредување[2].
Галерија
уреди-
Поглед од близу на црквата Успение на Пресвета Богородица -
Влезната порта на црквата Света Богородица Каменско со натпис за годината на изградба -
Дел од фрескоживописот во црквата -
Фрескоживописот на јужниот ѕид на црквата -
Фреска со приказот на Исус Христос на свод на таванот од црквата -
Фреска со приказот на Пресвета Богородица на свод на таванот од црквата -
Поглед на иконостасот во црквата -
Поглед на источниот ѕид на црквата и дел од Саат-кулата во позадина
Наводи
уреди- ↑ 1,0 1,1 1,2 „архивска копија“. Архивирано од изворникот на 2010-10-06. Посетено на 2011-02-12.
- ↑ „„Св. Богородица Каменско" - Охрид“. Дебарско-кичевска епархија. Архивирано од изворникот на 2012-04-09. Посетено на 2012-03-20.
Надворешни врски
уреди
Црква „Успение на Пресвета Богородица“ - Охрид на Ризницата ?
