Црква „Св. Атанасиј“ - Крива
Свети Атанасиј (грчки: Αγίου Αθανασίου) — црква во селото Крива, Ениџевардарско, Егејска Македонија. Влегува во состав на Гуменџиско-бојмичко-ругуновската епархија на Цариградската патријаршија.[1][2]
| Свети Атанасиј | |
|---|---|
| Αγίου Αθανασίου | |
 Поглед на црквата | |
 | |
| 40°57′19″N 22°24′47″E / 40.95528° СГШ; 22.41306° ИГД | |
| Место | Крива, Ениџевардарско |
| Земја | Егејска Македонија, Грција |
| Вероисповед | Цариградска патријаршија |
| Архитектура | |
| Културнонаследна категорија | споменик на културата |
| Архит. тип | трикорабна базилика |
| Завршена | 1801 |
| Управа | |
| Епархија | Гуменџиско-бојмичко-ругуновска |
Црквата е гробишен и парохиски храм на селото, сместен во неговиот северен крај. Изградена е во 1801 г. и претставува трикорабна базилика со внатрешни димензии од 13,30 × 25,85 м. Во 1837 г. црквата е проширена со доградбата на припрата на запад, галерија во облик на буквата П, како и трем на запад и југ. Трите кораби на наосот се одвоени со осум пара столбови. Олтарот е поликонхален, но само апсидата на жртвеникот излегува од источниот ѕид. Влезот во наосот е од југ, а тој од запад води во галеријата. Во југозападниот агол е изградена камбанарија.[1]
Ктиторскиот натпис гласи:
| „ | Άνοθεν και εξαρχής ο ναός ούτος του Αγίου Αθανασίου εκτήσθη έτος α. χ.ν. 1801. Ιδέ τούτο το εξοτερικόν μέρος δλ. η κάμαρε εκτήστησαν έτος απ. Χ. 1857. Αρχή. Φευ. 25 δια συνδρομής και παρακίνισιν του Αγίου 'κ Αθανασίου
Одгоре и од почеток овој храм на Свети Атанасиј се изгради во 1801 г. од Р. Х. А овој надворешен дел се изгради во 1857 г. Почеток 25 февруари со помошта и поттикот на епископ Атанасијиј. |
“ |
Во западниот дел на надворешниот ѕид има зачувана фреска. Внатре таваните се обоени со силни бои и имаат геометриски форми. Предниците на лаковите во наосот се насликани сцени од животот на Христос. Забележителни се дрвените резбани и насликани елементи — иконостасот, владичкиот престол, амвонот, и олтарот, насликани со цветни украси.[1] На црквата во 1832 г. работел зографот Маргарит Ламбу од погрченото солунско село Кулакија.[3] Во храмот има икони од син му Атанасијиос Маргаритис.[4]
Во 1983 г. црквата е прогласена за споменик на културата.[1][5]
-
Тремот -
Ктиторскиот натпис -
Фреска -
Фреска
Поврзано уреди
Наводи уреди
- ↑ 1,0 1,1 1,2 1,3 „3. Ιερός ναός Αγίου Αθανασίου Γρίβας“. Ανάδειξη των Μεταβυζαντινών Μνημείων στην Μητροπολιτική Περιφέρεια Γουμενίσσης- Αξιουπόλεως - Πολυκάστρου μέ κέντρο τό Δήμο Ευρωπού. Архивирано од изворникот на 2016-03-04. Посетено на 25 јуни 2014.
- ↑ „Γρίβα, Ι.Ν. Αγίου Αθανασίου“. Enjoy Kilkis. Архивирано од изворникот на 2021-02-27. Посетено на 14 март 2018.
- ↑ Ευγενίδου, Δέσποινα (1982). Μια "Συντεχνία" αγιογράφων του 19ου αιώνα από την Κολακιά (PDF). Θεσσαλονίκη: Μακεδονικά, Τόμος ΚΒ (1982) 180-204. стр. 180. Посетено на 10 јуни 2014.
- ↑ „Ταξιδεύοντας με τους ζωγράφους“ (PDF). Υπουργείο Πολιτισμού και Αθλητισμού. Εφορεία Αρχαιοτήτων Κιλκίς. Посетено на 23 јуни 2018.
- ↑ „ΥΑ ΥΠΠΕ/ΑΡΧ/Β1/Φ34/13801/293/22-3-1983 - ΦΕΚ 230/Β/28-4-1983“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 2022-05-14. Посетено на 23 октомври 2014.
Надворешни врски уреди
Црква „Св. Атанасиј“ - Крива на Ризницата ?
