Црква „Св. Атанасиј“ - Галиште

Св. Атанасиј — православна црква во кавадаречко село Галиште. Му припаѓа на Кавадаречкото архијерејско намесништво во Повардарската епархија на МПЦ - ОА.

Свети Атанасиј
македонска православна црква
Епархија	Повардарска
Архијерејско намесништво	Кавадаречко
Парохија	Маренска
Местоположба
Координати	41°19′13″N 22°06′29″E
Место	Галиште
Општина	Кавадарци
Држава	Македонија
Општи податоци
Покровител	Атанасиј Александриски
Изградба	XVII век
Архитектонски опис

Црквата се наоѓа југозападно од селото, кое практично е напуштено. За изградбата и зографисувањето неама никакви податоци. Храмот има две фази на изградба. Старата црква на исток е со мали димензии, еднокорабна и градена од кршен камен, без украси по фасадите. Се претпоставува дека е подигната кон крајот на XVII век. Изградена е врз остатоци од постарата црква, судејќи по живописните фрагменти, вѕидани заедно со градежниот материјал. Во 1934 г. е дограден нов дел со цел да се прошири и продолжување на старата црква, при што е срушен западниот ѕид на старата црква, а стариот фрескопис е одново пресликан. Од старите фрески зачувани се комјпозицијата на Големиот влез, Богородица Ширшаја небес, Видението на Петар Александриски и архиѓаконите Свети Роман и Свети Стефан. Според овие зачувани фрески заклучено е дека нивниот авторот спаѓа во групата на послаби зографи од крајот на XVII век. Сликарството и боите се слаби, без прецизност и нијанси.

Поврзано

• Повардарска епархија
• Кавадаречко архијерејско намесништво