Црвенонога тринга
| Црвенонога тринга | |
|---|---|
| |
| Со перје во сезона на парење | |
| Научна класификација | |
| Царство: | Животни |
| Колено: | Хордови |
| Класа: | Птици |
| Ред: | Бекасови |
| Семејство: | Мочварки |
| Род: | Тринги |
| Вид: | Црвенонога тринга |
| Научен назив | |
| Tringa totanus (Linnaeus, 1758) | |
| Синоними | |
|
Totanus totanus (Linnaeus, 1758) | |
Црвеноногата тринга (науч. Tringa totanus) е евроазиска крајбрежна птица од големата семејство на мочварките (науч. Scolopacidae), родот на трингите (науч. Tringa). Ја има и во Македонија.
Опис
уреди
Перјето на црвеноногата тринга во сезона на парење е мраморно кафеаво, со црни и сиви дамки и малку посветло одоздола. Зимно време, пак, перјето е посветло, сиво-кафеаво одозгора и речиси бело одоздола. Во лет имаат бели ленти на грбот и на краевите од крилјата. Нозете им се црвени, а клунот црвен со црн врв. Должината на возрасната птица достигнува до 30 см, со распон на крилјата од 65 см, и тежина до 170 г. Животниот век на оваа птица е околу 17 години.
На почетокот од пролетта започнува додворувањето уште за време на летот, при што мажјаците пеат многу мелодично. Во другото време песната им е убаво тју-ли, тју-ли, те-лиее.
Живеалиште и поведение
уредиОваа птица е широко распространета во умерена Евроазија. Таа е птица преселница што зимува на бреговите околу Средоземјето, Атлантикот и во јужна Азија. Тие ретко заскитуваат, но им се случува, како на пример, во 1970-тите и во 2000 година во Палау, Микронезија[2]. Црвеноногата тринга е многу бучна и со своето гласно пипикање ќе ги растревожи и сите останати.
Црвеноногата тринга се исхранува со разни безрбетници: инсекти (водни инсекти, бубачки, ларви, муви), мекотели, црви, мали риби и полноглавци. Гнездата ги прават било каде на влажни места, од влажни ливади до солени мочуришта, често и многу густо едни до други. Несат 3-5 јајца.
Статус
уредиПоради широката распространетост и бројност на видот, спаѓаат во категоријата на најмала загриженост[3]. За овие птици важи Договорот за заштита на африканско-евроазиските миграторни водни птици.
Наводи
уреди- ↑ BirdLife International (2012). „Tringa totanus“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ Wiles et al. (2006)
- ↑ BLI (2008)
- Pereira, Sérgio Luiz & Baker, Alan J. (2005): Multiple Gene Evidence for Parallel Evolution and Retention of Ancestral Morphological States in the Shanks (Charadriiformes: Scolopacidae). Condor 107(3): 514–526. DOI:10.1650/0010-5422(2005)107[0514:MGEFPE]2.0.CO;2 PDF fulltext[мртва врска]
- Wiles, Gary J.; Johnson, Nathan C.; de Cruz, Justine B.; Dutson, Guy; Camacho, Vicente A.; Kepler, Angela Kay; Vice, Daniel S.; Garrett, Kimball L.; Kessler, Curt C. & Pratt, H. Douglas (2004): New and Noteworthy Bird Records for Micronesia, 1986–2003. Micronesica 37(1): 69-96. HTML abstract Архивирано на 5 мај 2009 г.
Надворешни врски
уреди| „Црвенонога тринга“ на Ризницата ? |
Chisholm, Hugh, уред. (1911). . Encyclopædia Britannica (11. изд.). Cambridge University Press.
- Redshanks Image documentation
- Ageing and sexing (PDF; 1.4 MB) by Javier Blasco-Zumeta & Gerd-Michael Heinze Архивирано на 12 ноември 2013 г.