Цигански Гробишта (Радолишта)

Цигански Гробишта — археолошко наоѓалиште во струшкото село Радолишта. Претставува старохристијанска базилика и раносредновековна некропола. Прогласено е за културно наследство на Македонија.

На источната страна на селото, со систематски археолошки ископувања е откриена три корабна базилика со нартекс, егзонартекс, анекси и крстилница. Ископувањата се извршени во 1954 година од археологот Димче Коцо, а завршени се во 1976 година од археологот Владо Маленко, кога се откриени раносредновековни гробови. Само нартексот и централниот кораб на наосот се покриени со подни мозаици со стилизирана флорална и геометриска декорација и животински претстави. Базиликата е датирана на крајот на V век, а некрополата припаѓа во VII до VIII век. Наодите се чуваат во Завод и Музеј во Охрид.

Поврзано

• Камен Мост - Опале — населба од неолитското време и некропола од железното време;
• Радолишта — населба од доцноантичкото време;
• Радолишта;
• Список на археолошки наоѓалишта во Струшко;
• Список на средновековни некрополи во Македонија.