Усеркаре

(Пренасочено од Усеркар)

Усеркаре (исто така Восеркаре, што значи „Моќна е душата на Ра“) бил вториот фараон на Шестата династија, кој владеел кратко, од 1 до 5 години, кон крајот на 24 век до почетокот на 23 век п.н.е. Односот на Усеркаре со неговиот претходник Тети и наследникот Пепи I е непознат, и неговото владеење останува енигматично. Иако е потврден во историските извори, Усеркаре е целосно отсутен од гробот на египетските службеници кои живееле за време на неговото владеење. Покрај тоа, египетскиот свештеник Манетон известува дека претходникот на Усеркаре, Тети, бил убиен. Усеркаре често се смета дека бил краткотраен узурпатор. Алтернативно, тој можеби бил регент кој владеел за време на детството на синот на Тети, кој подоцна се искачил на тронот како Пепи I.

Усеркаре
Восеркаре
Картуш на Усеркаре во Кралскиот список од Абидос.
Фараон на Египет
Владеел1 до 5 години кон крајот на 24 век п.н.е. до почетокот на 23 век п.н.е.[note 1], Шеста династија
ПретходникТети
НаследникПепи I
Татконесигурно, можеби Тети
Мајканесигурно, можеби Куит

Потврди уреди

Историски извори уреди

Усеркаре е присутен на Кралскиот список од Абидос, список на кралеви запишани за време на владеењето на Сети I (1290 – 1279 г. п.н.е.) повеќе од 1000 години по почетокот на Шестата династија. Картушот на Усеркаре го зазема 35-от влез на списокот, меѓу оние на Тети и Пепи I,[12] што го прави втор фараон на династијата.[13] Усеркаре е исто така наведен во Кралскиот список од Торино, кралски список составен за време на владеењето на Рамесес II (1279 – 1213 г. п.н.е.). За жал, има големата лакуна на втората линија од четвртата колона на папирусот на кој е напишан списокот, на местото каде што можеби се наоѓало името на Усеркаре.[14]

Современи извори уреди

Неколку артефакти што датираат од времето на Усеркаре преживеале до денес, единствените сигурни сведоштва истовремено со неговото владеење биле два цилиндри печати[15][б 1] на кои се испишани неговото име и титулите,[19] и бакарен чекан од колекцијата на Михаилид.[20] На чеканот има мал натпис кој го дава името на екипажот на работниците „Возљубени од Усеркаре“, кои потекнувале од Ваџет.[21]

Гробница уреди

Локацијата на гробот на Усеркаре сè уште не е идентификувана. Краткоста на неговото владеење подразбира дека гробницата најверојатно не била завршена до неговата смрт, што ја отежнувало современата идентификација.[22] Бидејќи Усеркаре бил фараон од Шестата династија, се претпоставува дека неговиот гроб бил планиран да биде пирамида. Можна оправданост на оваа хипотеза е бакарен чекан во кој се споменува тим на платени работници од Ваџет. Овие работници најверојатно биле вклучени во важен градежен проект, веројатно пирамидата на Усеркаре.[23]

Изнесени се две хипотези за локацијата на пирамидата на Усеркаре. Египтологот Васил Добрев смета дека пирамидата на Усеркаре се наоѓа во областа Јужна Сакара денес позната како Табет ал-Гуеш, северозападно од комплексот на Пепи I. Навистина, таму е пронајдена голема некропола на претставници на администрацијата на Шестата династија, што според Добрев, навестува блиско присуство на кралска пирамида.[24] Астрофизичарот Џулио Магли смета дека пирамидата на Усеркаре треба да се бара на средина меѓу оние на Пепи I и Меренре Немтиемсаф I, на место каде трите пирамиди ќе формираат линија паралелна на онаа формирана од пирамидите на Сехемхет, Унас, Џосер, Усеркаф и Тети на север.[25]

Белешки уреди

  1. Претпоставени години кога владеел Усеркаре: околу 2408–2404 п.н.е.,[1] 2358–2354 п.н.е.,[2] 2337–2335 п.н.е.,[3] 2323–2321 п.н.е.,[4] 2312–2310 п.н.е.,[5] 2291–2289 п.н.е.,[6][7] 2279–2276 п.н.е.,[8] 2270–2265 п.н.е..[9]

Наводи уреди

  1. Hayes 1978, стр. 58.
  2. Altenmüller 2001, стр. 602.
  3. Strudwick 2005, стр. xxx.
  4. Malek 2000, стр. 104.
  5. von Beckerath 1999, стр. 283.
  6. Arnold 1999.
  7. Allen et al. 1999, стр. xx.
  8. Hornung 2012, стр. 491.
  9. Dodson & Hilton 2004, стр. 288.
  10. Allen et al. 1999, стр. 10.
  11. Baud & Dobrev 1995, стр. 59, footnote 92.
  12. Goedicke 1986.
  13. von Beckerath 1999.
  14. Baud & Dobrev 1995.
  15. Altenmüller 2001.
  16. Kaplony 1981, II.A pp. 361–362, no 1 and 2; II.B, pl. 98.
  17. Baud & Dobrev 1995, стр. 59, footnote 94.
  18. Baud & Dobrev 1995, стр. 59, footnote 93.
  19. Hayes 1978.
  20. Kaplony 1965.
  21. Roth 1991.
  22. Baker 2008.
  23. Grimal 1992.
  24. Dobrev 2006.
  25. Magli 2010.

Надворешни врски уреди


Грешка во наводот: Има ознаки <ref> за група именувана како „б“, но нема соодветна ознака <references group="б"/>.