Васил Добрев

Васил Добрев е француски египтолог од бугарско потекло, кој работи од 1995 г. во Францускиот археолошки институт (IFАО) во Каиро.

Биографија

Роден е на 30 јули 1961 г. во Пловдив. Во текот на 1992 г. ја одбранил докторската дисертација по египтологија на Сорбона под раководството на академик Жан Локлен. Во 2004 г. предлага нова револуционерна теорија за потеклото на Големата Сфинга во Гиза, според која, сфингата не е поставена од фараонот Кефрен (како што се смета во класичната египтологија), туку од фараонот Џедефре во чест на татко му Куфу.

Од 2000 г. екипата на Васил Добрев спроведува истражувања на платото во Сакара на 30 км од Каиро, во потрага по гробницата на фараонот Усеркаре од 6-та династија, кој е познат и како „Исчезнатиот фараон“.

Надворешни врски

• Мила Вачева, „Египтологот д-р Васил Добрев го истражува првото политичко убиство“, во. „24 часови“, 1 мај 2013