Тихомир Атанасов

Тихомир Мицев Атанасов ( 1924 во Бардовци, Скопско — 15 април 1945 во Сремска Митровица, Србија) — македонски партизан, борец за слобода на Македонија и учесник во НОВ.

Животопис

Потекнувал од сиромашно селско семејство. Основно училиште завршил во родното село. Исклучиво се занимавал со земјоделство. Со Треттата македонска ударна бригада учествувал во уништувањето на балистичките банди во некои краишта на Македонија и Косово. Подоцна се борел на Сремскиот фронт, каде нашите единици го поразиле непријателот. Во тие борби, на 15 април 1945 година, загинал кај Сремска Митровица.