Таганрошки Залив

залив во Азовското Море

Таганрошки Залив (руски: Таганрогский залив, украински: Таганрозька затока) — североисточен продолжеток на Азовското Море кој може да се смета и за поплавен естуар на реката Дон.

Таганрошкиот залив (бр. 15) на сателитска снимка на Азовското Море.
Заливскиот брег со провлакот Белосарајска.

ГеографијаУреди

Заливот има улога на природна грнаица помеѓу кубањскиот брег од руска и северноазовското приморје од укранска страна. Државната граница во ова подрачје сè уште не е утврдена.

На североисточниот крај на заливот се наоѓа устието на реката Дон, широко 31 км и со средна длабочина од 5 м. Во постудените зими замрзнува од декември до март.

Во Таганрошкиот Залив се влеваат и реките Калмиус и Миус. Овој дотек на вода е главен чинител на тековниот развој во приморското подрачје.[1]

Предели и местаУреди

Устието изобилува со песокливи провлаци кои делумно го заградуваат, од кои позабележителни се Долгаја на југ и Белосарајска од север. Има и низа песочни островчиња. Поважни водотеци кои се влеваат во заливскиот слив се реките Дон, Калмиус, Миус и Јеја.

Најголеми пристанишни места се градовите Таганрог и Јејск во Русија и Мариупол во Украина. Неколку километри спротиводно по Дон лежи и градот Ростов на Дон.

ВодаУреди

Заливот се одликува со интересна нерамномерност во соленоста на водата. Во источниот, најплиток дел од заливот водата е послатка поради дотурот на речна вода од Дон, а на запад таа е прилично посолена.[1]

ПоврзаноУреди

НаводиУреди

  1. 1,0 1,1 „Taganrog Bay“. Giduss.info. Архивирано од изворникот на 2013-01-24. Посетено на 8 February 2013.

Надворешни врскиУреди

Координати: 46°59′09″ N; 38°26′58″ E / 46.9859° СГШ; 38.4494° ИГД / 46.9859; 38.4494