Струма (автопат)

Оваа статија се однесува на автопат во Бугарија. За други значења, погл. Струма (појаснување).

Струма (бугарски: Автомагистрала „Струма“) е автопат во Бугарија, која го поврзува автопатот Љулин преку Даскалово во близината на градот Перник со граничниот премин „Кулата-Драготин“ и на тој начин се обезбедува патна врска на Софија со Егејска Македонија во денешна Грција.

Сообраќајна карта на Бугарија.

Дел од автопатот Струма во близина на Софија

Трасата на идниот автопат е со приближна должина од 156 километри во правец на патот Е79 и е дел од европскиот транспортен коридор 4. За автопатот има прединвестициони истражувања со утврдена траса, со исклучок на делот во Кресненската Клисура. Во овој регион изградбата е проблематична, бидејќи автопатот се планира да помине низ една од најважните заштитени територии на биоразновидноста во Бугарија.

Завршени делници

На 31 јануари 2007 година била отворена првата делница од автопатот, која била со должина од 19 км од Драгичево до Долна Дикања. Автопатот е со габарит од 29 метри, со 2 ленти од по 11,50 метри, со активни 2 ленти и итна лента и има вредност од 54 милиони евра.

Планирани делници

Остатокот од автопатот, кој треба да биде изграден, е поделен на четири дела. Изградбата на 1 и 4 дел се очекува да започне во јуни/јули 2011 година. Финансирањето е овозможено од Европската унија, но деловите 1, 2 и 4 ќе бидат финансирани по оперативната програма „Транспорт“ 2007-2013 (бугарско кофинансирање) и имаат вкупна вредност од 250 милиони евра.

Надворешни врски

• ОП Транспорт 2007-2013 - АМ „Струма“ Архивирано на 22 декември 2014 г. (бугарски)