Старо Село (Здуње)

Старо Село — археолошко наоѓалиште во поречкото село Здуње. Претставува населба и некропола од средниот век. Се наоѓа на 4 км северно од селото, на десниот брег на реката Треска, каде во нива на месен жител е сместена рано средновековна некропола. При обработка, односно проширување на нивата со копачење сопственикот има откопано неколку гробни конструкции со прилози. По кажување на селаните како наоди се појавуваат еден средновековен бронзен прстен со шестокрака звезда и една троребреста железна алатка. Источно од Старо Село се наоѓа месноста Соколица што претставува еден длабок дол со серпентини, а на северните падини на гребенот во карпите има дупки во кои во минатото гнезда свивале белите орли мршојадци. Високо над карпите од длабокиот дол во дабова шума се наоѓа извор на лековита вода. На овој извор доаѓаат луѓе од разни места, а коко благодарност фрлаат пари и оставаат делови од облеката околу изворот. Раносредновековната некропола во Старо Село и припаѓа на мала сточарска населба која била сместена северно од гробиштата, а веројатно тука била средновековната населба Соколовец.

Поврзано

• Голема Пеш — населба од палеолитско време;
• Бошевци — црква и некропола од средниот век;
• Градиште — населба од доцноантичко време;
• Подградец — населба од доцноантичко време;
• Св. Недела — црква и некропола од средниот век;
• Оча — некропола од раниот среден век;
• Црквиште — црква од средниот век;
• Цуцул — населба од рисмко време и среден век;
• Куклојца — населба од доцноантичко време и среден век;
• Потпетрушка — светилиште од раниот сред век;
• Засечишта — населба од средниот век;
• Здуње;
• Список на археолошки наоѓалишта во Поречко;