Славица Ставрева

Славица Ставрева e македонски музичар и диригент на хорот „Свети Пантелејмон“ во Велес. Вработена е во ООМУ ,,Стефан Гајдов“ - Велес како професор.

Славица Ставрева
македонски музичар
Роден(а)	05.01.1971 Велес
Националност	Македонка
Образование	Универзитетот Св.Кирил и Методиј во Скопје

Животопис

Славица Ставрева е родена 05.01.1971 година во Велес. По професија таа е професор во ООМУ ,,Стефан Гајдов“ - Велес. Дипломирала во 1993 година на Факултетот за Музичка уметност при Универзитетот Св.Кирил и Методиј во Скопје - отсеци музичка теорија и педагогија и хорско диригирање, во класата на проф.Драган  Шуплевски. Ставрева од  1994 година е вработена како професор во основното музичко училиште “Стефан Гајдов“ во Велес. Како вработена во основното музичко училиште таа учествува со свои ученици на регионални и државни натпревари  по предметот Солфеж со елементарна теорија на музиката каде учениците освојуваат први,втори и трети места, како и специјална награда. Покрај  натпреварите по теоретскиот предмет, училишниот хор под диригентство на Славица Ставрева бил наградуван со втори и трети државни награди.

Признанија и учества

Во текот на работењето од 2004 година започнува со своја дејност и Камерниот црковен хор Св.в-мч.Пантелејмон во склоп на Повардарска Епархија.

Со формирањето на овој мешан хор во кој членуваат ентузијасти, љубители на православната духовна музика со поддршка од почитуваниот Неговото Високо Преосвештенство, Митрополит г.Агатангел ,  раководи и диригира Славица Ставрева веќе 20 години.

Хорот зема учество на Богослужби низ храмовите ширум Македонија и надвор од неа. Воедно во текот на своето работење, учествуваат и на еминентни фестивали од меѓународен карактер на кои се здобиваат со награди. Камерниот црковен хор ја претставувал и Општина Велес на многубројни манифестации, настани од значење за градот Велес, како Рацинови средби, Денот на ослободувањето на Велес, чествувањето на Св.Кирил и Методиј, разни настапи од хуманитарен карактер и др.

Настапи со Камерниот црковен хор Св.в-мч.Пантелејмон

Ставрева заедно со учесниците во Камерниот црковен хор настапувале на следниве манифестации и концертиː

• 2005 Концерт на Духовна музика во рамки на Велес - град на културата и промотивен концерт на хорот;

• 2005 Чествување на 11 Октомври - целовечерен концерт;

• 2006 Балкански хорски фестивал, ,Јанко Мустаков - Микис Теодоракис“ во Свиштов, Р.Бугарија;

• 2006 Снимен спот и песна за Велес;

• 2007 Денови на Јустинијана –црква Св.Спас-Скопје;

• 2007 30 годишен јубилеј на Повардарска Епархија;

• 2011 Гостување и концерт на духовна и световна музика во Виена- Р. Австрија на покана од Амбасадата на Р. Македонија во Р. Австрија;

• 2012,2013 Учества на хуманитарни настани;

• 2014 Јубилеен целовечерен концерт на хорот одржан во Соборен храм Св.в-мч. Пантелејмон - Велес;

• 2016-XIV Интернационален  хорски натпревар ,,Антонио Вивалди,, во Карпениси - Грција;

• Прво место и златен медал за најдобар хор на натпреварот. Најдобар диригент и златен медал. Златен медал за апсолутен победник на натпреварот Камерен хор Св.в-мч.Пантелејмон;

• 2017 Гостување на црковниот хор во Романија и учество на Богослужба во храмот Св.Три светии, во градот Јаши и поклонение пред моштите на Св.Петка;

• 2017 9 то ноемвриско признание - Пофалница на хорот за придонес во развојот и промоцијата на музичката култура во Македонија и надвор од неа, доделена од Опшина Велес;

• 2017 Учество на културно-уметничка програма по повод осветувањето на градската црква Св.Кирил и Методиј- Велес

• 2018 XV Меѓународен фестивал на православна музика Св.Богородица-Достојно Ест во Поморие- Р. Бугарија;

• 2018 Диригент Славица Ставрева одликувана со Орден за Црковни заслуги на Повардарската Епархија;

• 2019 V Меѓународен фестивал на хорови-освоена трета награда во Херцег Нови- Црна Гора;

Галерија

• 
  Славица Ставрева професор во Музичкото училиште во Велес

Надворешни врски

https://www.youtube.com/watch?v=pDEm18pujdg

http://www.povardarska-eparhija.org.mk/pe//index.php?option=com_content&task=view&id=2110&Itemid=32