Св. Спас (Горно Крушје)

Св. Спас — археолошко наоѓалиште во преспанското село Горно Крушје. Претставува црква и некропола од старохристијанско време. Се наоѓа на околу 300 м северно од селото, од десната страна на патот Ресен-Охрид, на јужниот крај на висорамнинката од една мала височинка, која на северната страна се надоврзува на ридот Крушичка Краста, каде во 1968 година се изградени нова црква „Св. Спас“, помошна зграда и ограден ѕид. При копањето на темелите за црквата, според кажувањето на мештаните, биле откриени темели од објект ѕидани од камен и хоросан малтер, подни тули и широки ќерамиди. Исто така, откриле и повеќе гробови градени од камени плочи. Во Музејската збирка во Ресен се чуваат тегули на кои има врежано претстави на птици.

Поврзано

• Гумење — населба од доцноантичко време;
• Старо Село — населба, црква и некропола од средниот век;
• Горно Крушје;
• Список на археолошки наоѓалишта во Ресенско;