Сања Михајловиќ-Костадиновска

Сања Михајловиќ-Костадиновска (Скопје, 1982) — македонска универзитетска професорка и писателка.

Животопис

Сања Михајловиќ-Костадиновска е родена во 1982, во Скопје. Докторирала на Универзитетот „Комплутенсе“ во Мадрид. Работи како доцент по шпанска книжевност на Катедрата за романски јазици и книжевност при Филолошкиот факултет „Блаже Конески“ во Скопје.

Творештво

Михајловиќ-Костадиновска автор на книгата за деца „Сонувалко“ (Бегемот, 2019), како и на двете збирки со кратки раскази: „(Бес)конечни модели на расказот“ (2018) и „Во кратки црти“ (2021), сите три објавени од издавачката куќа „Бегемот“. Таа е добитничка е на повеќе награди за кратки раскази, како и наградата за најдобар дебитантски прозен ракопис, „Новите“ за 2015 (за нејзината новела „517“), што ја доделува издавачката куќа „Темплум“. Исто така, активно се занимава и со превод. Три нејзини кратки раскази се застапени во антологијата на македонскиот краток расказ, „Џинџуџе во земјата на афионите“ (Темплум, 2022).