Присадски манастир
Присадски манастир − македонски православен манастирски комплекс во прилепското село Присад.[1] Се наоѓа на стариот пат кој води до Велес, кај Прилепското Езеро. Се состои од две цркви, од кои помалата е изградена во 1953 година, а поголемата во 1964 година. Во 1966 година истата е осветена. Во јули 2014 година во манастирскиот комплекс се одржал поетски карван во организација на Друштвото на писатели на Македонија, младинската организација „Почувствувај ја Македонија“ и Здружението на пензионери на Македонија и иселеници.[2]
| Информации | |
|---|---|
| Манастир на: | МПЦ - ОА |
| Основан | XX век |
| Епархија | Преспанско-пелагониска |
| Цркви | „Св. Ѓорѓи“ (стара и нова црква) |
| Место | |
| Место | село Присад, Општина Прилеп,  Македонија |
| Координати | 41°25′43.3″N 21°37′12.4″E / 41.428694° СГШ; 21.620111° ИГД |
| Видливи остатоци | 2 цркви, камбанарија, конаци |
| Отворен за јавноста | да |
Објекти
уреди- Црква
Присадскиот манастир има 2 цркви посветена на Свети Георгиј. Помалата црква е изградена во 1953 година, а поголемата во 1964 година. Во 1966 година поголемата била осветена. Црквата се наоѓа под јуристикција на плетварско – беловодичката парохија.
- Конаци
Манастирскиот конак е правен во поново време. Тој е отворен за преноќување за кое се плаќа симболична цена. (50 денари или 0,8 €)
Наводи
уреди- ↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
- ↑ „Поетски карван во Прилеп“. Архивирано од изворникот на 2014-08-07. Посетено на 2014-08-25.
| „Присадски манастир“ на Ризницата ? |